32 سال کام کیا لیکن کوئی قدر نہیں.. افضال خان اپنے ساتھ ساس نشو بیگم کے حق میں بھی بول پڑے

"گزشتہ 32 برس شوبز انڈسٹری میں کام کرنے کے باوجود وہ پذیرائی نہیں ملی جس کا میں حق دار ہوں"

یہ کہنا ہے نامور اداکار افضل خان عرف جان ریمبو کا جنھوں نے حال ہی میں اپنی اہلیہ اور اداکارہ صاحبہ کے ساتھ سماء ٹی وی میں شرکت کی اور اپنی ناقدری کا شکوہ بھی کرڈالا.

ریمبو کا کہنا تھا کہ میں نےب32 سال برسوں میں تقریباً 200 فلمیں کی ہیں، دی ڈونکی کنگ جیسی فلم، جو دنیا بھر میں مشہور ہوئی، مختلف زبانوں میں ڈب ہوئی اس کے باوجود مجھے وہ پذیرائی نہیں ملی جو میرا حق تھا.

اپنی گفتگو جاری رکھتے ہوئے ریمبو نے مزید کہا کہ ایوارڈز اور اعزازات بھی سلام دعا کی بنیاد پر ملتے ہیں۔ اس لیے ان جو لینے کا بھی کوئی فائدہ نہیں ہے، اگر میرٹ پر ملتے تو فخر بھی ہوتا۔ جب میری ساس نشو بیگم کو ہی نہیں ملا تو میں اپنا شکوہ کیا کروں.