"تمام انسٹا پیجز کے ایڈمن کو سلام! جو بھی منفی کمنٹس آتے ہیں انہیں شائع کرنا اور ان پر اپنا ردعمل دینا اس چیز کو اور ہوا دیتا ہے کہ پبلک اسے گالیاں دے یا برا بھلا کہے۔ کچھ لوگوں پر اسکا برا اثر بھی پڑتا ہے، ہر ایک کے اعصاب مضبوط نہیں ہوتے۔ اگر کوئی اسکی پوسٹ پر جا کر کچھ لکھ بھی دیتا ہے تو آپ سب سے درخواست ہے کہ آپ اسے نظر انداز کریں"
یہ کہنا ہے معروف اداکار فیصل قریشی کا جو حال ہی میں والدہ کے حوالے سے خبروں کا حصہ ہیں.
واضح رہے کہ چند دن پہلے ڈائریکٹر اور اسکرپٹ رائٹر پرویز کلیم نے دعویٰ کیا تھا کہ فیصل قریشی اپنی والدہ کو بے گھر کرچکے ہیں. جبکہ فیصل قریشی کی والدہ افشاں قریشی بھی ایک جذباتی ویڈیو میں یہ کہہ چکی ہیں کہ انھوں نے بیٹے کی کامیابی کے لیے دعا مانگی مگر اچھا بیٹا بننے کی دعا مانگنا بھول گئیں اور یہی ان کی غلطی ہے.
البتہ بعد میں افشاں قریشی نے اپنے اور اپنے خاندان کے متعلق جھوٹی خبریں پھیلانے والوں پر کڑی تنقید کی تھی. فیصل قریشی کی حالیہ اسٹوری کو مداح اسی حوالے سے دیکھ رہے ہیں اور تبصرے بھی کررہے ہیں.