اٹلی میں جب ایک ایسی تصویر سوشل میڈیا پر وائرل ہوئی جس میں ایک سیاح خاتون کو ایک رومی دیوتا کے مجسمے کی ’بےحرمتی‘ کرتے دیکھا جا سکتا تھا تو ملک میں جیسے طوفان مچ گیا۔
یہ واقعہ سیاحوں میں مقبول شہر فلورنس میں پیش آیا جہاں ایک خاتون سیاح کی وائرل ہونے والی تصاویر میں انھیں رات کے وقت ’باکس‘ نامی دیوتا کے مجسمے سے بغلگیر ہو کر اسے بوسہ دیتے ہوئے بھی دیکھا جا سکتا ہے۔
یہ تصاویر ایک مقامی سوشل میڈیا اکاؤنٹ ’ویلکم ٹو فلورنس‘ نے شیئر کی تھیں جس کے بعد جلد ہی یہ آگ کی طرح پھیل گئیں اور اس سیاح اور ان کے فعل کی مذمت کی گئی۔
باکس کا یہ مجسمہ ایک مشہور پل کے قریب ہی گلی میں نصب ہے جو 16ویں صدی میں مجسمہ ساز جیامبولونا کے تیار کردہ مجسمے کی جدید نقل ہے۔
تام اس تصویر کے سامنے آنے کے بعد مقامی سوشل میڈیا صارف کافی غصے میں دکھائی دیے اور چند نے تو اس سیاح کی گرفتاری تک کا مطالبہ کیا۔
ایک صارف نے لکھا کہ ’یہ فلورنس کو ڈزنی لینڈ میں بدلنے کی برسوں کی کوششوں کا نتیجہ ہے۔‘
اطالوی ثقافتی ورثے کی تشہیر کرنے والی ایسوسی ایشن کے صدر پاٹریزیا ایسپرونی نے میڈیا سے کہا ہے کہ ’بربریت اور بدتمیزی کے بار بار اس طرح کے اظہار کی وجہ یہ ہے کہ ہر کوئی سمجھتا ہے کہ وہ جو چاہتا ہے کر سکتا ہے۔‘
انھوں نے ’سنگاپور ماڈل‘ اپنانے کا مطالبہ کیا اور کہا ہے کہ ’سخت چیکنگ، آسمان کو چھوتے جرمانے اور برے رویے کے لیے زیرو برداشت‘ کی حکمت عملی اپنائی جائے۔
Getty Images’اوور ٹورزم‘ یعنی سیاحت کی بہتات کی وجہ سے دنیا میں بہت سے شہروں میں اب تبدیلیاں کی جا رہی ہیں کہ سیاحوں سے کیسے نمٹا جائے
دوسری جانب فلورنس میں آثار قدیمہ کے سپرٹنڈنٹ انٹونیلا رینالڈی کا کہنا تھا کہ ’یہاں سیاحوں کو خوش آمدید کہا جاتا ہے لیکن انھیں چاہیے کہ ہمارے آرٹ کی عزت کریں چاہے وہ اصلی ہو یا نقل۔‘
تاہم ان کا کہنا تھا کہ ’مجھے شک ہے کہ اس خاتون کو اس فرق کے بارے میں علم بھی ہو گا۔‘
یاد رہے کہ فلورنس دنیا میں سب سے مشہور سیاحتی مقامات میں سے ایک ہے۔
’عشق و محبت کے ملک‘ اٹلی کے شہری سیاحوں سے نالاں: ’ہم سیاحت کی وجہ سے مرنا نہیں چاہتے‘’سولو ٹریول‘: وہ پانچ ممالک جہاں خواتین بلا خوف و خطر تنہا گھوم پھر سکتی ہیں
2023 میں صرف جون سے ستمبر کے درمیان تقریبا 15 لاکھ افراد نے اس شہر کا دورہ کیا جہاں کی آبادی صرف تین لاکھ 82 ہزار نفوس پر مشتمل ہے۔
سیاحوں کی اتنی بڑی تعداد میں آمد کی وجہ سے مقامی افراد مشکلات کا شکار رہے ہیں کیوں کہ موسم گرما میں فلورنس کی تنگ گلیاں انسانوں کی ندی کی شکل اختیار کر لیتی ہیں۔
’اوور ٹورزم‘ یعنی سیاحت کی بہتات کی وجہ سے دنیا میں بہت سے شہروں میں اب تبدیلیاں کی جا رہی ہیں کہ سیاحوں سے کیسے نمٹا جائے۔
گزشتہ ماہ سپین کے شہر بارسلونا کے میئرنے پانچ سال میں قلیل مدتی سیاحوں کے داخلے کو ختم کرنے کا وعدہ کیا جبکہ وینس اور جاپان کے ماؤنٹ فیوجی جیسے مقامات پر روزانہ کی بنیاد پر سیاحوں سے پیسے وصول کرنے کا نظام متعارف کروایا جا رہا ہے۔
دنیا کے وہ پانچ شہر جن کی سیر آپ کم بجٹ میں بھی کر سکتے ہیں’شیطانی سانس‘: وہ شہر جہاں امریکی سیاح ’سیکس اور نشے کی تلاش میں‘ اپنی جانیں گنوا رہے ہیں77 ہزار روپے میں ترکی کا پرتعیش سفر جس میں ’چھپے ہوئے ثقافتی ہیرے‘ دیکھے جا سکتے ہیں