اسلام آباد ہائیکورٹ نے بانی پی ٹی آئی عمران خان کی بغیر مداخلت جیل ملاقاتوں کی درخواست کل جمعرات کو سماعت کے لیے مقرر کر دی۔
چیف جسٹس اسلام آباد ہائیکورٹ عامر فاروق نے درخواست پر رجسٹرار آفس کے اعتراضات دور کر دیئے۔ بانی پی ٹی آئی کی جانب سے ان کے وکیل شعیب شاہین عدالت کے سامنے پیش ہوئے۔
190 ملین پاؤنڈ ریفرنس ، بشریٰ بی بی کی ضمانت منظور
عدالت نے عمران خان کے وکیل سے دریافت کیا کہ رجسٹرار آفس نے اعتراض لگایا ہے میجر اور کرنل کو کیسے فریق بنایا جا سکتا ہے؟ جس پر وکیل نے بتایا کہ ہم نے میجر یا کرنل کو نہیں بلکہ وزارت دفاع کو فریق بنایا ہے۔
بعد ازاں عدالت نے اعتراضات دور کرکے پٹیشن پر نمبر لگانے کی ہدایت کر تے ہوئے درخواست کل جمعرات کو سماعت کے لیے مقرر کر دی۔