قطر نے پاکستان کو ایشین والی بال کنفیڈریشن چیلنج کپ کے فائنل میں تین صفر سے شکست دے کر ٹائٹل اپنے نام کر لیا ہے۔
اتوار کو بحرین کے دارالحکومت منامہ میں کھیلے گئے فائنل میچ میں قطر نے لگاتار تین سیٹس میں پاکستان کو شکست دی۔
پہلے سیٹ کا سکور 25-22 رہا، دوسرے میں 25-20 اور تیسرے میں 25-19 سے قطر کو کامیابی ملی۔
اس سے قبل کھیلےگئے سیمی فائنل مقابلوں میں پاکستان نے جنوبی کوریا کو اور قطر نے قازقستان کو شکست دی تھی۔
اس فتح کے ساتھ ہی قطر نے رواں سال جولائی میں چین میں منعقد ہونے والے ایف آئی وی سی چیلنجز کپ کے لیے بھی کوالیفائی کر لیا ہے۔
خیال رہے کہ والی بال کی عالمی درجہ بندی میں قطر کا 21واں اور پاکستان کا 49واں نمبر ہے۔