این ڈی ایم اے کی جانب سے قومی مون سون کوآرڈینیشن کانفرنس کا انعقاد ہوا جس میں مون سون کے حوالے سے تیاریوں کا جائزہ لیا گیا۔
ترجمان این ڈی ایم اے کے مطابق محکمہ موسمیات پاکستان کی جانب سے مون سون کے دوران ملک بھر میں معمول سے زیادہ بارشوں اور ممکنہ سیلاب سے متاثر ہونے والے علاقوں کی نشاہدہی کی گئی ہے۔
جون ، جولائی اور اگست کیلئے بجلی مہنگی کردی گئی
رواں سال مون سون کے دوران ملک بھر میں معمول سے 40 سے60 فیصد زیادہ بارشیں متوقع ہیں،بارشوں کے باعث دریاؤں میں طغیانی اور نشیبی علاقوں میں سیلابی صورتحال پیدا ہو سکتی ہے۔
شمالی پنجاب، جنوبی سندھ اور بلوچستان کے علاقے معمول سے زیادہ بارشوں کے باعث متاثر ہونے کا امکان ہے۔
خیبر پختونخواہ اور گلگت بلتستان میں گلیشئرز پگھلنے اور جھیلوں کے پھٹنے کے باعث سیلاب کی صورت میں دریاؤں میں طغیانی نشیبی علاقوں کے زیر آب آنے کا خطرہ ہے۔
ملک میں آٹے کی قیمت میں مئی کے دوران ماہانہ بنیادوں پر 29.26 فیصد کمی ریکارڈ
چئیرمین این ڈی ایم اے نے اس موقع پر کہا کہ مشترکہ اقدامات کے ذریعے آفات سے نمٹنے، خطرات کے تدارک اور آفات سے ہونے والے ممکنہ نقصانات کو بہت حد تک کم کر سکتے ہیں۔
این ڈی ایم اے میں موسمیاتی تبدیلیوں اور ناگہانی قدرتی آفات سے بچاؤ کے لیے ہمہ وقت نگرانی کی جار ہی ہے۔این ڈی ایم اے تمام متعلقہ اسٹیک ہولڈرز کے ساتھ تعاون جاری رکھے گا۔