انٹر بینک میں ڈالر کی قیمت میں کمی کے بعد روپے کی قدر میں بہتری آ گئی ، دوسری جانب اسٹاک ایکسچینج میں بھی استحکام برقرار رہا۔
کاروباری ہفتے کے دوسرے روز ڈالر کی قیمت میں 6 پیسے کی کمی ہو گئی جس کے بعد ڈالر 278 روپے 30 پیسے کا ہو گیا۔
گزشتہ روز کاروباری دن کے اختتام پر ڈالر کا ریٹ 278 روپے 36 پیسے پر بند ہوا تھا۔
ڈالر کے بعد دیگر کرنسیاں بھی مہنگی ہو گئیں
دوسری جانب پاکستان اسٹاک ایکسچینج میں کاروبار کا مثبت آغاز ہوا ، اسٹاک مارکیٹ کے 100 انڈیکس میں 75 پوائنٹس کا اضافہ ریکارڈ کیا گیا جس سے انڈیکس 75 ہزار 648 پوائنٹس پر پہنچ گیا۔
گزشتہ روز کاروبار کے پہلے سیشن میں انڈیکس نے 76 ہزار کی حد عبور کر لی تھی تاہم کاروبار کے اختتام پر انڈیکس میں کمی واقع ہوئی تھی۔