اب صارفین گوگل میسجز سے بھیجے گئے میسجز کی ترمیم کر سکیں گے

سچ ٹی وی  |  Jun 03, 2024

ٹیکنالوجی کمپنی گوگل اینڈرائیڈ صارفین کے لیے میسجز بھیجنے کے بعد ان میں ترمیم کا فیچر متعارف کرانے جارہی ہے۔

متعارف کرائے جانے والا یہ نیا فیچر اینڈرائیڈ فون میں نئی سہولیات شامل کرنے کے پروگرام کا ایک حصہ ہے۔

گوگل کی جانب سے جاری کیے جانے والے اس نئے فیچر کو استعمال کرتے ہوئے صارفین گوگل میسجز سے بھیجے گئے میسجز کی ترمیم کر سکیں گے۔

تاہم، گوگل نے خبردار کیا ہے کہ صارفین میسج بھیجنے کے 15 منٹ کے اندر ہی پیغام کے متن کی ترمیم کر سکیں گے۔

دوسری جانب میسجز میں ترمیم اکلوتا فیچر نہیں ہے جو متعارف کرایا جا رہا ہے۔ اس کے علاوہ گوگل کی جانب سے انسٹنٹ ہاٹ اسپاٹ کا فیچر بھی متعارف کرایا جانے والا ہے جس کی مدد سے اینڈرائیڈ ٹیبلٹ یا کروم بک کو فون سے ایک ٹیپ پر جلدی سے جوڑا جا سکے گا۔

اس کے علاوہ گوگل کی جانب سے ایک اور اپ ڈیٹ پیش کی جائے گئی جس کو استعمال کرتے ہوئے صارفین گوگل میٹ کالز کے دوران فوری طور پر ڈیوائسز کو بدل سکیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More