عراق کے جرمن، امریکی کمپنیوں کے ساتھ گیس کے استعمال سے متعلق مفاہمت پر دستخط

بغداد۔1اپریل (اے پی پی):عراق نے جرمن، امریکی کمپنیوں کے ساتھ گیس کے استعمال سے متعلق مفاہمت کی یاداشت پر دستخط کیے ہیں۔شنہوا کے مطابق عراقی تیل کی وزارت نےجرمن سیمنز اور امریکی شلمبرگر کمپنیوں کے ساتھ عراقی تیل کے شعبوں میں متعلقہ گیس کے استعمال سے متعلق مفاہمت کی ایک یادداشت پر دستخط کیے ہیں۔

دستخط کی تقریب کے دوران عراقی وزیر تیل حیان عبدالغنی نے کہا کہ ایم او یو بجلی کی پیداوار کے لیے منسلک گیس کو استعمال کرنے کے وزارت کے منصوبے سے مطابقت رکھتا ہے۔بیان میں وزیر کے حوالے سے کہا کہ ان معاہدوں کے ذریعے، وزارت کا مقصد ان کمپنیوں کی ٹیکنالوجی سے فائدہ اٹھا کر متعلقہ گیس سے فائدہ اٹھانے کے اپنے منصوبے کو نافذ کرنا ہے۔132 ٹریلین کیوبک فٹ قدرتی گیس کے ثابت شدہ ذخائر کے ساتھ، عراق اپنے گیس کے وسائل کو اہم ضرورتوں، خاص طور پر بجلی کی پیداوار میں پورا کرنے کے لیے استعمال کرنے کے لیے پرعزم ہے۔