آج کل کے نوجوانوں اور بچوں میں ہیڈ فون کا بہت زیادہ استعمال کرنا عام سی بات سمجھا جاتا ہے. لیکن یہ عادت کسی مصیبت میں بھی ڈال سکتی ہے. اس کو کم ہی لوگ سمجھتے ہیں. البتہ چین کے صوبے شینڈونگ سے تعلق رکھنے والی خاتون مس وانگ کے ساتھ کچھ ایسا ہوا جو باقی لوگوں کے لیے بھی سبق بن گیا.
مس وانگ کو رات کو ہیڈ فون لگا کر سونے کی عادت تھی. گزشتہ دو برسوں سے رات کو ہیڈ فونز چڑھا کر موسیقی سنتے ہوئے سو جاتی تھیں جس کے بعد اچانک انھیں سننے میں مشکلات ہونے لگیں. میٹنگز کے دوران جب سپروائزر انھیں مخاطب کرتا اس وقت بھی وہ ٹھیک سے نہیں سن پاتی تھیں. جب وہ معائنے کے لیے اسپتال گئیں تو ڈاکٹر نے انکشاف کیا کہ ان کا بایاں کان خراب ہو چکا ہے.
اپنے روزمرہ کی روٹین اور کانوں سے جڑی عادات کے حوالے سے خاتون نے بتایا کہ وہ موسیقی سنتے ہوئے ہیڈ فونز لگا کر سوجاتی تھیں جس کی وجہ سے اب وہ ایک کان سے سننے کی صلاحیت ہمیشہ کے لیے کھو چکی ہیں.