پاکستان سپر لیگ کے نویں ایڈیشن کے 20ویں میچ میں آج اسلام آباد یونائیٹڈ اور پشاور زلمی کی ٹیمیں مدمقابل ہیں۔
اسلام آباد یونائیٹڈ نے پہلے بیٹنگ کرتے ہوئے پشاور زلمی کو مقررہ 20 اوورز میں چار وکٹوں کے نقصان پر 196 رنز بنائے ہیں۔ اس وقت ہدف کے تعاقب میں پشاور زلمی کی بیٹنگ جاری ہے۔
پشاور زلمی نے 14 اوورز میں پانچ وکٹوں کے نقصان پر 110 رنز بنائے ہیں۔ پاؤل ولٹر 32 اور عامر جمال 61 رنز کے ساتھ وکٹ پر موجود ہیں۔
پشاور زلمی کی اننگز
پشاور زلمی نے ہدف کے تعاقب کا آغاز کیا تو بیٹنگ لائن لڑ کھڑا گئی۔ اوپنر صائم ایوب اور بابر اعظم پہلے اوور کی چوتھی اور چھٹی گیند پر آؤٹ ہوگئے۔
اس کے بعد محمد حارث بھی صرف ایک رنز بنا کر تیسرے اوور کی پہلی گیند پر چلتے بنے۔
ٹام کولر کیڈ مور 12 رنز اور رومن پاؤل صفر پر آؤٹ ہوگئے۔ یوں چھ اوورز میں آدھی ٹیم پویلین روانہ ہوگئی۔
اسلام آباد یونائیٹڈ کی اننگز
اسلام آباد یونائیٹڈ کا آغاز تو مایوس کن رہا لیکن شاداب خان، آغا سلمان، اعظم خان اور جارڈن کاکس کی عمدہ بلے بازی کی بدولت ٹیم ایک اچھا ہدف دینے میں کامیاب ہوئے۔
اوپنر الیکس ہیلز میچ کی پہلی گیند پر ہی وکٹ گنوا بیٹھے۔
کولن منرو بھی اچھی کارگردگی دکھانے میں ناکام رہے وہ دوسرے اوور میں صائم ایوب کی گیند پر بابر اعظم کے ہاتھوں میں کیچ تھما بیٹھے۔
اس کے بعد آغا سلمان نے دو چھکوں اور چار چوکوں کی مدد سے 37 رنز بنائے۔
انہوں نے شاداب خان کے ساتھ 50 سے زائد رنز کی پارٹنرشپ کے بعد سلمان ارشاد کی گیند پر وکٹ کیپر محمد حارث کو کیچ پکڑا دیا۔
شاداب خان نے چھ چھکوں اور چار چوکوں کی مدد سے 80 رنز کی عمدہ اننگز کھیلی۔ وہ لُوک وڈ کی گیند پرآؤٹ ہوئے۔
پشاور زلمی کی جانب سے صائم ایوب دو جبکہ سلمان ارشاد اور لُوک وڈ ایک ایک وکٹ حاصل کرنے میں کامیاب رہے۔
پشاور زلمی پوائنٹس ٹیبل پر تیسرے نمبر پر ہے ( فوٹو: پی ایس ایل، ایکس)
قبل ازیں پشاور زلمی نے ٹاس جیت کر اسلام آباد یونائیٹڈ کو بیٹنگ کی دعوت دی تھی۔
واضح رہے کہ پی ایس ایل کے رواں سیزن میں راولپنڈی میں ہونے والا یہ پہلا میچ ہے۔
اس سے قبل دو مارچ کو راولپنڈی میں شیڈولڈ دو میچز بارش کے باعث پی ایس ایل انتظامیہ کی جانب سے منسوخ کر دیے گئے تھے۔
اسلام آباد یونائیٹڈ کے کپتان شاداب خان ہیں جبکہ پشاور زلمی کی قیادت بابر اعظم کر رہے ہیں۔
دونو ں ٹیموں کا رواں سیزن میں ایک دوسرے کے خلاف یہ دوسرا میچ ہے۔
26 فروری کو لاہور میں کھیلے گئے پہلے میچ میں پشاور زلمی نے اسلام آباد یونائیٹڈ کو چھ رنز سے شکست دی تھی۔
Comeback for the ages!
Islamabad United lose wickets for just runs as Peshawar Zalmi clinch a last-over thriller #HBLPSL9 | #KhulKeKhel | #PZvIU pic.twitter.com/TJYecRli54
— PakistanSuperLeague (@thePSLt20) February 26, 2024
اسلام آباد یونائیٹڈ کو اس سے قبل کوئٹہ گلیڈی ایٹرز اور ملتان سلطانز سے بھی شکست کا سامان کرنا پڑا۔
تاہم لاہور قلندرز اور کراچی کنگز کے خلاف میچز میں اسلام آباد یونائیٹڈ نے فتح حاصل کی۔
پی ایس ایل پوائنٹس ٹیبل پر اسلام آباد یونائیٹڈ پانچ پوائنٹس کے ساتھ چوتھے نمبر پر ہے۔
پشاور زلمی نے ملتان سلطانز، لاہور قلندرز، اسلام آباد یونائیٹڈ کے خلاف کھیلے گئے میچز میں فتح حاصل کی۔
کراچی کنگز اور کوئٹہ گلیڈی ایٹرز سے زلمی کو شکست کا سامنا رہا۔ یوں پوائنٹس ٹیبل پر پشاور زلمی سات پوائنٹس کے ساتھ تیسرے نمبر پر ہے۔
اسلام آباد یونائیٹد کا سکواڈ
الیکس ہیلز، کولن منرو، سلمان علی آغا، شاداب خان(کپتان)، اعظم خان، جارڈن کاکس، عماد وسیم، فہیم اشرف، حنین شاہ، نسیم شاہ اور رومان رئیس سکواڈ کا حصہ ہیں
پشاور زلمی کا سکواڈ
صائم ایوب، بابر اعظم( کپتان)، محمد حارث، ٹام کولر کیڈ مور، رومن پاؤل، پاؤل ولٹر،عامر جمال، لوک ووڈ، محمد ذیشان، عارف یعقوب اور سلمان ارشاد ٹیم میں شامل ہیں