پاکستان سپر لیگ کے نویں ایڈیشن کے 20ویں میچ میں آج اسلام آباد یونائیٹڈ اور پشاور زلمی کی ٹیمیں مدمقابل ہیں۔
اس وقت اسلام آباد یونائیٹڈ کی بیٹننگ جاری ہے۔ اسلام آباد یونائیٹڈ نے 18 اوورز میں چار وکٹوں کے نقصان پر 181 رنز بنائے ہیں۔
جارڈن کاکس اور اعظم خان وکٹ پر موجود ہیں۔
اسلام آباد یونائیٹڈ کا آغاز ہی مایوس کن رہا۔ اوپنر الیکس ہیلز میچ کی ابتدائی گیند پر ہی وکٹ گنوا بیٹھے۔
کولن منرو بھی اچھی کارگردگی دکھانے میں ناکام رہے وہ دوسرے اوور میں صائم اویب کی گیند پر بابر اعظم کے ہاتھوں میں کیچ تھما کر آؤٹ ہوئے۔
اس کے بعد آغا سلمان نے دو چھکوں اور چار چوکوں کی مدد سے 37 رنز بنائے۔
اکا دُکا باونڈریز کے ساتھ انہوں شاداب خان کے ساتھ 50 سے زائد رنز کی پارٹنرشپ بنائی ہی تھی سلمان ارشاد کی گیند پر وکٹ کیپر محمد حارث کو کیچ دے دی۔
قبل ازیں پشاور زلمی نے ٹاس جیت کر اسلام آباد یونائیٹڈ کو بیٹنگ کی دعوت دی تھی۔
واضح رہے کہ پی ایس ایل کے رواں سیزن میں راولپنڈی میں ہونے والا یہ پہلا میچ ہے۔
اس سے قبل دو مارچ کو راولپنڈی میں شیڈولڈ دو میچز بارش کے باعث پی ایس ایل انتظامیہ کی جانب سے ملتوی کر دیے گئے تھے۔
اسلام آباد یونائیٹڈ کے کپتان شاداب خان ہیں جبکہ پشاور زلمی کی قیادت بابر اعظم کر رہے ہیں۔
دونو ں ٹیموں کا رواں سیزن میں ایک دوسرے کے خلاف یہ دوسرا میچ ہے۔
26 فروری کو لاہور میں کھیلے گئے پہلے میچ میں پشاور زلمی نے اسلام آباد یونائیٹد کو چھ رنز سے شکست دی تھی۔
Comeback for the ages!
Islamabad United lose wickets for just runs as Peshawar Zalmi clinch a last-over thriller #HBLPSL9 | #KhulKeKhel | #PZvIU pic.twitter.com/TJYecRli54
— PakistanSuperLeague (@thePSLt20) February 26, 2024
اسلام آباد یونائیٹڈ کو اس سے قبل کوئٹہ گلیڈی ایٹرز اور ملتان سلطانز سے بھی شکست کا سامان کرنا پڑا۔
تاہم لاہور قلندرز اور کراچی کنگز کے خلاف میچز میں اسلام آباد یونائیٹڈ نے فتح حاصل کی۔
پی ایس ایل پوائنٹس ٹیبل پر اسلام آباد یونائیٹڈ پانچ پوائنٹس کے ساتھ چوتھے نمبر پر ہے۔
پشاور زلمی نے ملتان سلطانز، لاہور قلندرز، اسلام آباد یونائیٹڈ کے خلاف کھیلے گئے میچز میں فتح حاصل کی۔
کراچی کنگز اور کوئٹہ گلیڈی ایٹرز سے زلمی کو شکست کا سامنا رہا۔ یوں پوائنٹس ٹیبل پر پشاور زلمی سات پوائنٹس کے ساتھ تیسرے نمبر پر ہے۔
اسلام آباد یونائیٹد کا سکواڈ
الیکس ہیلز، کولن منرو، سلمان علی آغا، شاداب خان(کپتان)، اعظم خان، جارڈن کاکس، عماد وسیم، فہیم اشرف، حنین شاہ، نسیم شاہ اور رومان رئیس سکواڈ کا حصہ ہیں
پشاور زلمی کا سکواڈ
صائم ایوب، بابر اعظم( کپتان)، محمد حارث، ٹام کولر کیڈ مور، رومن پاؤل، پاؤل ولٹر، احمر جمال، لوک ووڈ، محمد ذیشان، عارف یعقوب اور سلمان ارشاد ٹیم میں شامل ہیں