بالی وڈ کی مشہور جوڑی دیپکا پاوکون اور رنویر سنگھ کے ہاں رواں سال پہلے بچے کی آمد متوقع ہے۔
جمعرات کو جوڑے نے سماجی رابطے کی ویب سائٹ انسٹاگرام پر مشترکہ پوسٹ کی جس میں بتایا گیا کہ دونوں کے ہاں رواں سال ستمبر میں بچے کی آمد متوقع ہے۔
اس سے قبل دیپکا پاڈوکون 77 ویں برٹش اکیڈمی فلم ایوارڈز (بیفٹا) کی تقریب میں جلوہ گر ہوئی تھیں جہاں انہیں دیکھنے کے بعد میڈیا میں خبریں گردش کرنے لگیں کہ وہ حاملہ ہیں اور جلد ہی اس کا باضابطہ اعلان کریں گی۔ تاہم اب جوڑے نے اس خبر کی تصدیق کر دی ہے۔
View this post on Instagram A post shared by दीपिका पादुकोण (@deepikapadukone)
رنویر اوردیپکا کی پوسٹ پر بالی وڈ سے تعلق رکھنے والے مشہور فنکاروں نے خوشی کا اظہار کرتے ہوئے جوڑے کو مبارکباد پیش کی ہے۔
دیپکا پاڈوکون اور رنویر سنگھ کی ملاقات سنجے لیلا بھنسالی کی فلم ’گولیوں کی رسلیلا رام لیلا‘ کے سیٹ پر ہوئی تھی۔ پانچ سال سے زائد عرصے ڈیٹ کرنے کے بعد بالی وڈ کی اس معروف جوڑی نے 2018 شادی کر لی تھی۔