اب کئی برس پرانے پیغامات تلاش کرنا آسان ۔۔ واٹس ایپ میں نیا فیچر سرچ بائی ڈیٹ متعارف

ہماری ویب  |  Mar 01, 2024

اکثر اوقات واٹس ایپ پر ہمیں ایمرجنسی کی صورت میں پرانا پیغام تلاش کرنے میں مشکل پیش آتی ہے اور کئی دن یا ہفتوں پہلے کی چیٹ ڈھونڈنا مشکل ہوجاتا ہے،لیکن اب ایسا نہیں ہوگا۔

واٹس ایپ نے صارفین کی اس پریشانی کا حل نکال لیا ہے اور اب پرانے پیغامات کو تاریخ کے ساتھ سرچ کرنے کا آپشن دے دیا گیا ہے۔

واٹس ایپ کی جانب سے ایک نیا فیچر 'سرچ بائی ڈیٹ' متعارف کرایا گیا ہے جس سے لوگ میسیجز باآسانی تلاش کرسکیں گے۔

میٹا کی زیرملکیت میسجنگ ایپ کے اس فیچر کے ذریعے تاریخ کے مطابق کسی میسج کو تلاش کرنا ممکن ہوجائے گا۔

اس فیچر پر کافی عرصے سے کام جاری تھا جو اب مکمل کرلیا گیا ہے اور اب یہ تمام صارفین کے لیے دستیاب ہے۔

اس فیچر کا استعمال کیسے کریں گے؟

مذکورہ فیچر کو استعمال کرنے کے لیے واٹس ایپ کھولیں اوراسکی اس چیٹ ونڈو میں جائیں جہاں کسی مخصوص تاریخ کا میسج تلاش کرنا چاہتے ہیں۔

اس چیٹ ونڈو میں سرچ آپشن کا انتخاب کریں۔سرچ آپشن سلیکٹ کرنے پر آپ کے سامنے کیلنڈر آئیکون سامنے آجائے گا جس پر کلک کریں۔

اس کے بعد مطلوبہ مہینے اور سال کو اسکرول کرکے منتخب کریں اور پھر سرچ پر کلک کریں۔

ایسا کرنے کے بعد اس مخصوص تاریخ کے پیغامات سامنے آجائیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More