نظام شمسی میں تین نئے چاند دریافت ہوئے ہیں جس کے حوالے سے امریکی سائنسدانوں نے تفصیل جاری کی ہے۔
امریکی سائنسدانوں کی جانب سے نظام شمسی میں تین نئے چاند دریافت کیے گئے ہیں، جن میں نیپچون کے گرد گھومنے والے 2 اور20 سال سے زائد عرصے میں پایا جانے والا یورینس کا سب سے چھوٹا چاند بھی شامل ہے۔
غیرملکی خبر رساں ادارے فوربز کی رپورٹ کے مطابق واشنگٹن میں کارنیگی انسٹی ٹیوشن فار سائنس کے ماہر فلکیات اسکاٹ ایس شیپرڈ نے چلی میں لاس کیمپناس آبزرویٹری میں نصب میگیلن دوربینوں کی مدد سے یہ تین چاند دریافت کیے۔
اسکاٹ کا کہنا تھا کہ ان دو سیاروں کے گرد دریافت ہونے والے چاند زمینی دوربینوں کی مدد سے دریافت شدہ اب تک کہ دھندلے ترین چاند ہیں۔
انہوں نے مزید بتایا کہ ایسی دھندلی چیزوں کو ظاہر کرنے کے لیے خصوصی تصویروں کا پراسیس ضروری ہوتا ہے۔ اس دریافت کے لیے کئی گھنٹوں کے دوران ہر پانچ منٹ تک درجنوں چاند کے ایکسپوژر درکار تھے۔