بانی پی ٹی آئی عمران خان کی اہلیہ بشریٰ بی بی نے توشہ خانہ کیس میں سزا کے خلاف اسلام آباد ہائیکورٹ میں اپیل دائر کر دی۔
بیرسٹر سلمان صفدر کے ذریعے دائر اپیل میں بشریٰ بی بی نے احتساب عدالت کا 31 جنوری کا آرڈر کالعدم قرار دینے کی استدعا کی ہے۔ اپیل میں ریاست اور نیب کو فریق بنایا گیا ہے۔
بنی گالہ سے اڈیالہ جیل منتقل کیا جائے ، بشریٰ بی بی کی اسلام آباد ہائیکورٹ میں درخواست
علاوہ ازیں بانی پی ٹی آئی کی اہلیہ نے سیشن کورٹ اسلام آباد میں دوران عدت نکاح کیس کا فیصلہ چیلنج کرتے ہوئے کہا ہے کہ عدت نکاح کیس کا فیصلہ غیر قانونی اورغیر شرعی ہے، ٹرائل کورٹ کا 3 فروری کا فیصلہ کالعدم قرار دیا جائے۔
واضح رہے کہ احتساب عدالت نے بانی پی ٹی آئی کی اہلیہ کو توشہ خانہ کیس میں 14 سال قید بامشقت اور 787 ملین روپے جرمانے جبکہ عدت نکاح کیس میں 7 سال قید کی سزا سنائی تھی۔