اسلام آباد پولیس نے پاکستان تحریک انصاف کے احتجاج کی درخواست مسترد کر دی۔
پولیس ترجمان کا کہنا ہے کہ اسلام آباد میں ہنگامہ آرائی کی کسی کو اجازت نہیں دی جائے گی، تمام جماعتوں کو دفعہ 144 کے نافذ العمل ہونے سے آگاہ کر دیا گیا ہے۔ خلاف ورزی پرقانونی کارروائی عمل میں لائی جائے گی۔
اسلام آباد پولیس کا قانون شکنوں کیخلاف کارروائی کا فیصلہ
ترجمان نے کہا ہے کہ کسی بھی احتجاج یا ریلی کی اجازت نہیں دے سکتے ، خواتین اور کم عمر لوگ صبح 10 سے ایک بجے تک ایف نائن پارک نہ جائیں، اس کے علاوہ ایف 6 جانے سے بھی گریز کریں۔
ترجمان نے مزید بتایا کہ ممکنہ احتجاج کے پیش نظر پولیس کی اضافی نفری طلب کر لی گئی ہے۔ شہری کسی بھی سیاسی اجتماع کا حصہ بننے سے گریز کریں۔