لاہور: مسلم لیگ ن کے رہنما خواجہ سعد رفیق نے کہا ہے کہ پاکستان تحریک انصاف (پی ٹی آئی) حمایت یافتہ آزاد اراکین پیپلز پارٹی کے ساتھ مل کر حکومت بنا لیں ہم مبارکباد پیش کریں گے۔
مسلم لیگ ن کے رہنما خواجہ سعد رفیق نے سماجی رابطے کی ویب سائٹ ایکس پر لکھا کہ موجودہ قومی اسمبلی میں کسی کو قطعی اکثریت حاصل نہیں ہے۔
انہوں ںے کہا کہ وفاقی حکومت کی تشکیل مسلم لیگ ن کی نہیں بلکہ پارلیمان میں موجود تمام جماعتوں کی مشترکہ ذمہ داری ہے۔
یہ بھی پڑھیں: اسلام آباد: پی ٹی آئی کی احتجاج کی درخواست مسترد
خواجہ سعد رفیق نے کہا کہ پی ٹی آئی حمایت یافتہ آزاد اراکین پہل کریں اور پیپلز پارٹی کے ساتھ مل کر مرکزی حکومت بنا لیں ہم مبارکباد پیش کریں گے۔
انہوں نے کہا کہ مسلم لیگ ن کو کانٹوں کا یہ تاج اپنے سر پر سجانے کا کوئی شوق نہیں ہے۔