سائفر اور توشہ خانہ اور نکاح کیسز میں سابق چیئرمین پی ٹی آئی کی سزا کے خلاف اپیلیں دائر کردی گئیں۔
سائفر اور توشہ خانہ کیسز میں سزا کے خلاف اپیلیں اسلام آباد ہائی کورٹ میں دائر کی گئیں جبکہ نکاح کیس میں سزا کے خلاف اپیل سیشن کورٹ میں دائر کی گئی۔
جے یو آئی سے بات ہوئی، ایم کیو ایم سے بھی ہونی چاہیے، علی محمد خان
آفیشل سیکرٹ ایکٹ عدالت نے بانی پی ٹی آئی کو سائفر کیس میں 30 جنوری کو سزا سنائی جبکہ احتساب عدالت نے بانی پی ٹی آئی اور بشری بی بی کو توشہ خانہ کیس میں 31 جنوری کو سزا سنائی تھی۔
عمران خان کے وکیل لطیف کھوسہ نے کہا کہ ہم نے سابق چیئرمین پی ٹی آئی کی سزا کے خلاف اپیلیں دائر کردی ہیں، سائفر کیس اور توشہ خانہ کیس میں سزا کے خلاف اپیلیں ہائیکورٹ جبکہ عدت کیس کی اپیل سیشن کورٹ میں دائر کی گئی ہے۔