دنیا بھر میں اسمارٹ فونز بنانے والی کمپنیاں ایک سے بڑھ کر ایک موبائل فو متعارف کرا رہی ہیں جس کے باعث خریداروں کی تعداد میں بھی اضافہ ہوتا جارہا ہے۔
گزشتہ برس 2023 میں دنیا میں سب سے زیادہ فروخت ہونے والے اسمارٹ فونز میں آئی فون 14 پرو میکس بازی لے گیا۔
اس بات کا دعویٰ اسمارٹ فونز کی فروخت کے اعدادوشمار جاری کرنے والی کمپنی Canalys نے ایک رپورٹ میں کیاجس کے مطابق 2023 میں سب سے زیادہ فروخت ہونے والے 10 فونز کے بارے میں بتایا گیا تھا۔
مذکورہ فہرست میں دس میں سے 7 اسمارٹ فونز ایپل کمپنی کے تیار کردہ آئی فونز ہیں۔ اور ٹاپ 5 اسمارٹ فونز ایپل کے تیار کردہ ہیں۔
رپورٹ کے مطابق 2023 میں دنیا بھر میں سب سے زیادہ فروخت ہونے والا فون آئی فون 14 پرو میکس تھا جس کے 3 کروڑ 40 لاکھ یونٹ فروخت کیے گئے ہیں۔
دوسرے نمبر پر حیران کن طور پر آئی فون 15 پرو میکس رہا جو ستمبر 2023 میں متعارف کرایا گیا تھا۔3 ماہ کے دوران آئی فون 15 پرو میکس کے 3 کروڑ 30 لاکھ یونٹس فروخت ہوئے۔
اعداد و شمار کی رپورٹ میں بتایا گیا ہے کہ آئی فون 14، آئی فون 14 پرو اور آئی فون 13 بالترتیب تیسرے سے 5 ویں سب سے زیادہ فروخت ہونے والے اسمارٹ فونز رہے۔
آئی فون 15 پرو 7 ویں نمبر پر رہا جب کہ آئی فون 15 کے حصے میں 10 واں نمبر آیا۔
ایپل سے ہٹ کر اس فہرست میں چھٹے، 8 ویں اور 9 ویں نمبر پر سام سنگ کے اسمارٹ فونز دیکھنے میں آئے۔