میٹا کی زیر ملکیت میسیجنگ ایپلکیشن واٹس ایپ اپنی سیکیورٹی کو بہتر بنانے اور صارفین کے ڈیٹا کو محفوظ رکھنے کے لیے ہر ماہ نئی سیکیورٹی اپ ڈیٹ لے کر سامنے آتا ہے۔
بالکل ایسے ہی جیسے واٹس ایپ نے حال ہی میں اپنے چیٹ لاک فیچر کو مزید بہتر بنا کر صارفین کی پرائیویسی اور سکیورٹی کو ترجیح دینے کا سلسلہ جاری رکھا ہے۔
لاک کی گئی چیٹس تک رسائی ایک خفیہ کوڈ کے ذریعے ہوتی ہے۔
مذکورہ چیٹ لاک فیچر کے تحت صارفین کی سکیورٹی اور پرائیویسی کے لیے جب کسی چیٹ کو مین ڈیوائس میں لاک کیا جائے گا تو اس کا اطلاق دیگر لنکڈ ڈیوائسز پر بھی ہوگا۔
تمام ڈیوائسز میں چیٹ لاک کے اطلاق سے صارفین حساس چیٹس کو دیگر افراد کی نظروں سے بچا سکیں گے، چاہے وہ افراد ڈیوائس کو استعمال ہی کیوں نہ کریں۔
واضح رہے کہ چیٹ لاک فیچر گزشتہ برس مئی 2023 میں موبائل ایپس کے لیے متعارف کرایا گیا تھا جس کے ذریعے مختلف چیٹس کو ایک فولڈر میں محفوظ کیا جاتا ہے۔