اسرائیل کا شام کے شہر حمس پر حملہ،بچے اور خاتون سمیت 5 افراد شہید

دمشق۔7فروری (اے پی پی):اسرائیل کے شام کے شہر حمس پر فضائی حملے سے ایک بچے اور خاتون سمیت 5 افراد شہید جبکہ 7 زخمی ہو گئے۔

فرانسیسی خبر رساں ادارے نے سیرین آبزرویٹری فار ہیومن رائٹس کے حوالے سے بتایا کہ اسرائیل نے بدھ کو حمس کے علاقے حمرا میں ایک عمارت پر فضائی حملہ کیا جس سے ایک بچے اور خاتون سمیت 5افراد شہید اور 7زخمی ہو گئے۔ ادھر، شام کی وزارت دفاع نے کہا ہے کہ اسرائیل نے لبنان کے شمال کی سمت سے حمص شہر اور اس کے دیہی علاقوں میں فضائی حملے میں متعدد مقامات کو نشانہ بنایا جس سے متعدد شہری شہید اور زخمی ہوئے۔