جنوبی کوریا میں امریکی فضائیہ کا ایف ۔16 لڑاکا طیارہ سمندر میں گر کر تباہ ، پائلٹ محفوظ

سیئول۔31جنوری (اے پی پی):جنوبی کوریا میں تعینات امریکی فضائیہ کا ایف ۔16 لڑاکا طیارہ ساحلی شہر سیوسان کے قریب سمندر میں گر کر تباہ ہو گیا تاہم طیارے کا پائلٹ زندہ بچ گیا۔

واشنگٹن پوسٹ کی رپورٹ کے مطابق دو ماہ سے بھی کم عرصہ میں یہ جنوبی کوریا میں امریکی فضائیہ کے ایف ۔16 لڑاکا طیاروں کو پیش آنے والا یہ دوسر احادثہ ہے۔

یہ واقعہ جنوبی کوریا کی ریاست جیون بک میں واقع کنسان ایئر بیس کے قریب پیش آیا۔ حکام نے حادثے کی تحقیقات کا آغاز کر دیا ہے۔

واضح رہے کہ اس وقت جنوبی کوریا میں تعینات امریکی فضائیہ کا 8 واں فائٹر ونگ ایف ۔16 کے دوسکواڈرنز پر مشتمل ہے۔