عمرہ زائرین اور وزیٹرز نسک پورٹل میں علیحدہ اکاونٹ بنائیں،سعودی وزارت حج وعمرہ

ریاض۔28جنوری (اے پی پی):سعودی وزارت حج وعمرہنے کہا ہے کہ مملکت آنے والے عمرہ زائرین یا وزٹرز نسک پورٹل میں اپنا علیحدہ اکاونٹ بنائیں،عاجل نیوز کے مطابق وزارت حج وعمرہ کے ایکس اکاونٹ پرایک صارف کی جانب سے اہل خانہ کو اپنے نسک اکاونٹ میں رجسٹرکرنے کے حوالہ سے پوچھے گئے سوال کے جواب میں کہا کہ ہر شخص نسک پورٹل پر اپنا اکاونٹ خود بنائے جس کےلیے پاسپورٹ اور ویزا نمبر فیڈ کیا جائے گا جس سے ہرشخص کا جدا اکاونٹ بنایا جائے گا۔ وزارت نے کہا کہ ہر زائر کو اپنے پاسپورٹ اور ویزا نمبر سے نسک پورٹل پر اکاونٹ بنانے کی سہولت فراہم کی گئی ہے۔