منگولیا ایل این جی لے جانےوالی گاڑی کار سے ٹکرا گئی ، دھماکے میں 6افراد ہلاک

اولان بتور۔24جنوری (اے پی پی):منگولیا کے دارالحکومت اولا ن بتورمیں ایل این جی لے جانےوالی گاڑی کار سے ٹکرا گئی جس کے باعث گیس دھماکے میں 6افراد ہلاک اور 14زخمی ہو گئے۔

فرانسیسی خبر رساں ادارے اے ایف پی کے مطابق منگولیا کی نیشنل ایمرجنسی مینجمنٹ ایجنسی (این ای ایم اے)نے اپنی ویب سائٹ پر بتایا کہ بدھ کی صبح 60 ٹن مائع قدرتی گیس (ایل این جی) لے جانے والی گاڑی ایک کار سے ٹکرا گئی جس کے بعد دھماکے کے باعث آگ لگنے سے 3 فائر فائٹرز سمیت 6افراد ہلاک اور 3شیر خوار بچوں سمیت 14 افراد زخمی ہو گئے۔

حادثے کی اطلاع پر ریسکیو ٹیمیں جائے وقوعہ پر روانہ کر دی گئی ہیں اور آگ پر قابو پا لیا گیا ہے۔