انٹرنیشنل کرکٹ کونسل (آئی سی سی) کے جاری کردہ شیڈول کے مطابق ٹی 20 ورلڈ کپ 2024 کا انڈیا بمقابلہ پاکستان میچ 9 جون کو نیو یارک میں منعقد ہونے جا رہا ہے۔حال ہی میں سوشل میڈیا پر وائرل ہونے والی ایک پوسٹ میں نیو یارک کے ناساؤ کاؤنٹی سٹیڈیم کی تصویریں اور ویڈیوز شیئر کی گئی ہیں جس کے متعلق کہا جا رہا ہے کہ اس سٹیڈیم میں پاکستان اور انڈیا کا میچ کھیلا جائے ہوگا۔یہ پوسٹ سوشل میڈیا پلیٹ فارم ایکس پر پیٹر ڈیلا ڈانا نامی صارف نے کی جس میں لکھا گیا کہ سٹیڈیم ابھی تک تعمیر نہیں ہوا ہے۔Under construction? They haven't even broken ground yet, and won't until February. This is what the Nassau County, NY cricket stadium site for the 2024 T20 World Cup currently looks like. https://t.co/0jiG5rs1GR pic.twitter.com/A8yGh0dT2A
— Peter Della Penna (@PeterDellaPenna) December 31, 2023
سوشل میڈیا پر وائرل ہونے والی ایک اور ویڈیو میں نیویارک کا ایک اور گراؤنڈ دکھایا گیا ہے جس کے متعلق بھی یہی کہا گیا ہے کہ ٹی ٹوئنٹی ورلڈ کپ کے میچز یہاں کھیلے جائیں گے۔ویڈیو میں گراؤنڈ کی حالت زیادہ اچھی نہیں لگ رہی کہ جہاں کرکٹ ورلڈ کپ کھیلا جا سکے۔ This is the ground in New York for the India vs Pakistan T20I World Cup match.
Do you think it's a suitable venue for international-level matches? pic.twitter.com/ij9RPNbidS
— Vipin Tiwari (@Vipintiwari952_) January 12, 2024
ناساؤ کاؤنٹی سٹیڈیم کی ویڈیوز پر سوشل میڈیا صارفین تبصرے کرتے دکھائی دے رہے ہیں۔ویراٹ کوہلی ایف سی نامی اکاؤنٹ نے خراب آؤٹ فیلڈ کا ذکر کیا تو جواب میں صارف وپن تیواری نے لکھا کہ آدھے پلیئرز تو بھاگتے بھاگتے ہی آؤٹ ہو جائیں گے۔ایکس صارف ریشما نے تبصرہ کیا کہ اس سے اچھی گراؤنڈ تو ان کے گاؤں میں ہوتی ہے۔صارف ناٹ نمن نے اپنی پوسٹ میں لکھا ’آپ دیکھیں کیسے 6 مہینوں میں اس سٹیڈیم کو جنت بنا دیا جائے گا۔‘سپورٹس ویب سائٹ کرک ٹریکر کے مطابق ناساؤ سٹیدیم ایک ماڈیولر سٹیڈیم کی حیثیت رکھتا ہے جسے عارضی طور پر سٹیل اور ایلومینیم ٹیکنالوجی کا استعمال کرتا ہوئے تیار کیا جائے گا۔ماڈیولر سٹیڈیم کی تعمیر میں عموماً دو سے تین ماہ لگتے ہیں اور انڈیا بمقابلہ پاکستان میچ کی میزبانی کرنے والے اس ماڈیولر سٹیڈیم میں 34,000 شائقین کی گنجائش ہوگی۔ناساؤ سٹیدیم میں تعمیر کا عمل جنوری 2024 کے آخر سے شروع ہونا ہے اور توقع کی جا رہی ہے کہ مئی تک اسے مکمل کر لیا جائے گا۔