پاکستانی فلم اور ٹی وی انڈسٹری کے ڈائریکٹر پرمیش ادیوال نے اسلام قبول کر لیا ہے۔
پرمیش ادیوال نے فوٹو اینڈ ویڈیو شیئرنگ پلیٹ فارم انسٹاگرام پر اپنی ویڈیو شیئر کی جس میں انہیں مسجد نبوی میں نماز ادا کرتے ہوئے دیکھا جا سکتا ہے۔
پرمیش ادیوال نے اپنی انسٹاگرام پوسٹ میں لکھا کہ ’تاجدارِ حرم۔‘
ویب سائٹ ’رِیویو اِٹ ڈاٹ پی کے‘ کے مطابق نو مسلم ہدایتکار نے سعودی عرب میں عمرہ ادا کیا ہے۔
View this post on Instagram A post shared by Parmesh Adiwal (@parmeshadiwal)
اس کے علاوہ پرمیش ادیوال نے اپنا نیا اسلامی نام اب ’محمد‘ رکھا ہے۔
پرمیش ادیوال پاکستانی شوبز انڈسٹری میں کئی برسوں سے کام کر رہے ہیں۔
انہوں نے مشہور فلم ’پنجاب نہیں جاؤں گی‘ میں بطور سونگ ڈائریکٹر کام کر رکھا ہے جبکہ وہ فلم ’عشرت میڈ اِن چائنہ‘ میں بطور کو ڈائریکٹر کام کر چکے ہیں۔
اس کے علاوہ وہ پاکستانی ڈرامہ سیریل ’ماسٹرز‘ سمیت کئی ڈراموں کے او ایس ٹی ٹریکس ڈائریکٹ کر چکے ہیں۔
پرمیش ادیوال نے مشہور سنگر فلک شبیر کا گانا ’یار ملا دے‘ اور بِلی ایکس کا بلاک بسٹر وائرل گانا ’جٹنی پنجابی‘ بھی ڈائریکٹ کیا تھا۔