اے آئی ٹیکنالوجی کو دیکھ کر اب ایسا محسوس ہوتا ہے کہ وہ بھی کوئی انسان ہے جو ان کے جذبات و احساسات کو سمجھنے کی صلاحیت رکھتا ہے۔
اس مشہور انقلابی ٹیکنالوجی کا ایک اور کارنامہ اسی حوالے سے سامنے آیا ہے جو انسانی چہرے سے جذبات کی درست شناخت کرنے میں کامیاب ہوگیا ہے۔
میڈیا رپورٹس کے مطابق سوئٹزرلینڈ میں سائنسدانوں کی ایک ٹیم نے کہا ہے کہ حالیہ دریافت سائیکو تھراپی کے شعبے میں مزید ترقی فراہم کر سکتی ہے۔
سوئٹزرلینڈ کی معروف یونیورسٹی آف بیسل میں سینٹر فار سائنٹیفک کمپیوٹنگ کے سائنسدانوں کی ایک ٹیم نے اے آئی کی ایک ذیلی ٹیکنالوجی، آرٹیفیشل نیورل نیٹ ورک کو 30,000 سے زائد چہرے کی تصاویر کی تربیت دی تاکہ وہ 6 بنیادی انسانی جذبات کو جانچ سکے جیسے خوشی، تعجب، غصہ، نفرت، اداسی، اور خوف کو۔
اس کے بعد محققین نے اے آئی ماڈل کو ماہرین نفسیات کے عمومی تھراپی سیشنز کی 950 گھنٹے سے زائد کی ویڈیوز کا تجزیہ کرنے کے لیے استعمال کیا جس میں دوہری شخصیت کے مرض میں مبتلا 23 افراد کو دکھایا گیا تھا۔
اے آئی ماڈل سے برآمد شدہ تجزیوں کا تین تربیت یافتہ معالجین کے نتائج کے ساتھ موازنہ کیا گیا جس میں ماہرین نے دونوں نتائج میں یکسانیت دیافت کی۔
سائنسدانوں کے مطابق اے آئی ٹیکنالوجی مریضوں کے چہرے کے تاثرات کا درست اندازہ لگانے میں ایک ماہر معالج کی طرح ماہر ثابت ہوئی ہے۔