بغیر ڈرائیور کے چلنے والی کاریں 2026 تک برطانیہ کی سڑکوں پر آسکتی ہیں۔
ٹیکنالوجی نے اتنی ترقی کرلی ہے کہ اب گاڑیاں بھی بغیر ڈرائیور کے چلا کریں گی۔
برطانوی وزیر ٹرانسپورٹ مارک ہارپر نے بدھ کے روز کہا کہ 2026 تک برطانوی سڑکوں پر خود سے چلنے والی گاڑیاں آسکتی ہیں۔
ہارپر نے کہا کہ فی الحال مکمل سیلف ڈرائیونگ ٹیکنالوجی والی کاروں کی برطانیہ کی سڑکوں پر اجازت نہیں ہے لیکن حکومت کی آٹومیٹڈ وہیکلز (اے وی) قانون سازی پارلیمنٹ سے گزر رہی ہے اس کا مطلب یہ ہے کہ 2024 کے آخر تک ان کے لیے قانونی فریم ورک موجود ہوگا۔
امریکہ میں آزمائی گئی اس ٹیکنالوجی کے ناقدین کا کہنا ہے کہ گاڑیاں حادثے کا باعث بن سکتی ہیں اور کیلیفورنیا میں ریگولیٹرز نے جنرل موٹرز کے ڈرائیور لیس کار یونٹ کروز کو اکتوبر میں ایک حادثے کے بعد اپنی گاڑیوں کو ریاستی سڑکوں سے ہٹانے کا حکم دیا ہے۔
برطانیہ کے ہارپر نے کہا کہ یہ ٹیکنالوجی سڑک کی حفاظت کو بہتر بنانے کی صلاحیت رکھتی ہے، میں نے خودکار گاڑیوں اور خود ڈرائیونگ ٹیکنالوجیز کے بارے میں دیکھا ہے اس میں لوگوں کو محفوظ رکھنے پرگہری توجہ دی گئی ہے۔