نئی دہلی: بھارت میں کورونا وائرس سے ایک روز میں 4 افراد ہلاک ہو گئے۔
بھارتی میڈیا کے مطابق بھارت میں کورونا وائرس ایک بار پھر سر اٹھانے لگا۔ بھارت میں 24 گھنٹے کے دوران کورونا وائرس نے 4 افراد کی جان لے لی جبکہ 752 نئے کیسز رپورٹ ہوئے۔
بھارت میں 21 مئی کے بعد اب سامنے آنے والے کیسز سب سے زیادہ ہیں۔
بھارت کی یونین ہیلتھ منسٹری کا کہنا ہے کہ بھارت میں ایکٹیو کورونا کیسز کی تعداد 3 ہزار سے تجاوز کر گئی ہے۔
یہ بھی پڑھیں: امریکہ، رواں موسم میں فلو سے 1600 سے زائد افراد ہلاک
کورونا سے ہلاک ہونے والوں میں سے 2 کا تعلق ریاست کیرالہ سے ہے جبکہ ایک کا تعلق راجستھان اور ایک کا تعلق کرناٹک سے ہے۔
بھارت میں مجموعی طور پر کورونا کے ساڑھے 4 کروڑ کیسز رپورٹ ہو چکے ہیں۔