آج کے ٹیکنالوجی کے دور میں اکثر صارفین اپنی زندگی کی چھوٹی سے چھوٹی چیزیں بھی سوشل میڈیا پر شیئر کرنا پسند کرتے ہیں بلکہ ٹک ٹاکرز نے تو سوشل میڈیا کا رنگ ڈھنگ ہی بدل کر رکھ دیا ہے۔
یوں محسوس ہوتا ہے کہ پاکستان میں تیزی سے مقبولیت کی وجہ سے ٹک ٹاکرز کو بھی اسٹارز کا درجہ ملنا شروع ہوگیا ہے جس کی وجہ سے سوشل میڈیا صارفین اپنے فیورٹ ٹک ٹاکرز کے بارے میں جاننے میں دلچسپ رکھتے ہیں، حال ہی میں معروف ٹک ٹاکر جنت مرزا کی شادی کے حوالے سے کچھ افواہیں زیر گردش ہیں۔
حال ہی میں ایک ویڈیو سوشل میڈیا پر وائرل ہوئی جس کو دیکھ کر صارفین کو لگا کہ شائد یہ جنت مرزا ہیں تاہم وہ کوئی اور لڑکی نکلی،سوشل میڈیا پر وائرل ویڈیو میں ٹاک ٹاکر جنت مرزا سے مشابہ لڑکی کو سرخ عروسی لباس میں دیکھا جا سکتا ہے، جو اپنی شادی کے موقع پر اسٹیج پر چڑھنے سے قبل دولہا کے ہاتھ میں اپنا ہاتھ دیتی ہے جبکہ ویڈیو گرافر اور فوٹو گرافر سمیت شادی کے شرکاء ان کا فوٹو سیشن کرتے دکھائی دیتے ہیں۔
ویڈیو جیسے ہی سوشل میڈیا پر شیئر کئی گئی ہر طرف یہ خبریں گردش کرنے لگیں کہ جنت مرزا نے خاموشی سے شادی کر لی ہے۔حقیقت اس وقت کھلی جب مذکورہ لڑکی کا اپنے دلہا کے ساتھ ایک اور ویڈیو کلپ وائرل ہوا جو اپنی شادی کے دن حیرات انگیز طور پر جنت مرزا سے مشابہ دکھائی دے رہی تھی۔
سوشل میڈیا صارفین نے ویڈیو پر دلچسپ تبصرے کئے جبکہ بعض صارفین نے ویڈیو دیکھتے ہی پہچان کر لڑکی کو جنت مرزا ماننے سے انکار کردیا تھا۔