افریقہ کے ملک یوگنڈا کی ٹیم نے تاریخ رقم کرتے ہوئے پہلی مرتبہ آئی سی سی ٹی20 ورلڈ کپ میں کوالیفائی کر لیا ہے۔یوگنڈا نے جمعرات کو وینڈ ہوک میں آئی سی سی مینز ٹی20 ورلڈ کپ افریقہ ریجن کوالیفائر ٹورنامنٹ میں روانڈا کو نو وکٹوں سے ہرا کر پہلی مرتبہ آئی سی سی ورلڈ کپ میں رسائی حاصل کر لی ہے۔اس میچ میں روانڈا نے پہلے بیٹنگ کرتے ہوئے یوگنڈا کو 66 رنز کا ہدف دیا جسے یوگنڈا نے 8.1 اوورز میں ایک وکٹ کے نقصان پر پورا کر لیا۔آئی سی سی کے افریقہ کوالیفائرز راؤںڈ سے نمیبیا اور یوگنڈا نے ٹی20 ورلڈ کپ 2024 کے لیے کوالیفائی کیا ہے جبکہ ٹورنامنٹ کی فیورٹ ٹیم زمبابوے اس ٹی20 ورلڈ کپ کوالیفائینگ کی دوڑ سے باہر ہوگئی ہے۔زمبابوے نے اس ریجنل کوالیفائر ٹورنامنٹ میں 5 میچز کھیلے ہیں جس میں اسے دو میں شکست ہوئی ہے جس کے بعد زمبابوین ٹیم صرف چھ حاصل کرنے میں کامیاب رہی لیکن اگلے برس کے میگا ایونٹ سے باہر ہوگئی۔ Match Day - #ICCT20WCQ
Game 6 - ResultRwanda 65/10Uganda 66/1Uganda won by 9 wickets(with 71 balls to spare)MOM; Alpesh Ramjani
We're going for the 'BIG DANCE' to the T20 World Cup in the West Indies & USA.#CricketCranesInColour#Twaake @PlasconUganda pic.twitter.com/or96A4h0YB
— Uganda Cricket Association (@CricketUganda) November 30, 2023
اگلے برس ویسٹ انڈیز اور امریکہ میں شیڈول ٹی20 ورلڈ کپ میں یوگنڈا پہلی مرتبہ کسی بھی آئی سی سی ورلڈ کپ میں شرکت کرے گی۔یوگنڈا کی جیت کے ساتھ ٹی20 ورلڈ کپ 2024 میں حصہ لینے والی تمام 20 ٹیموں کی لسٹ مکمل ہوگئی ہے۔ Zimbabwe are the only Full Member nation who won't be at the expanded 20-team Men's T20 World Cup in 2024 pic.twitter.com/5FKv6IaYbm
— ESPNcricinfo (@ESPNcricinfo) November 30, 2023
اس ورلڈ کپ میں میزبان ویسٹ انڈیز اور امریکہ کے علاوہ پاکستان، آسٹریلیا، انگلیںڈ، انڈیا، نیدرلینڈز، نیوزی لینڈ، جنوبی افریقہ، سری لنکا، افغانستان، بنگلہ دیش، آئرلینڈ، سکاٹ لینڈ، پاپوا نیو گنی، کینیڈا، نیپال، عمان، نمیبیا اور یوگنڈا شامل ہوں گی۔خیال رہے آئی سی سی ٹی20 ورلڈ کپ جون 2024 میں ویسٹ انڈیز اور امریکہ میں کھیلا جائے گا۔