زمین پر لیٹ جاتے ہیں اور گائیں ۔۔ بھارت میں ایسا تہوار کیوں مناتے ہیں جس میں گائیں لوگوں کو روندتے ہوئے گزرتی ہیں؟

بھارت میں ہندو دھرم سے تعلق رکھنے والے لوگ مختلف چیزوں کی پوجا کرتے ہیں جن میں گائے بھی شامل ہے جبکہ بھارت میں دیوالی کے بعد ایک تہوار منایا جاتا ہے جہاں ہندولوگ زمین پر لیٹ جاتے ہیں اور گائیں ان کو اپنے پیروں سے روند کر ان کے اوپر سے گزرتی ہیں۔

لوگوں کا ماننا ہے کہ گائیوں میں 33 کروڑ دیوی اور دیوتا بسیرا کرتے ہیں اور گائیوں کے اوپر گزرنے سے دیوتاؤں کا آشیرواد حاصل ہوتا ہے۔

عقیدت مندوں کو پانچ دن تک روزہ رکھنا پڑتا ہے اور دیوالی سے پہلے مقامی مندر میں ایک رات گزارنی پڑتی ہے جس کے بعد وہ اپنے آپ کو روندوانے سے پہلے صبح گائے کی پوجا کرتے ہیں جس کے بعد اصل تقریب کے وقت گاؤں والے دعائیں مانگتے ہیں اور بھجن گانا شروع کردیتے ہیں۔

بھارت میں دیوالی کا تہوار مختلف رسومات اور روایات کے ساتھ منایا جاتا ہے لیکن مدھیہ پردیش کے ایک گاؤں بھیداواڑ میں دیوالی کے بعد کی تقریب کے ایک حصے کے طور پر ہندو پجاری گاؤں میں ایک مخصوص جگہ پر زمین پر لیٹ جاتے ہیں۔

گائیں انہیں روندتے ہوئے ان کے اوپر چل کر جاتی ہیں۔ لوگوں کا ماننا ہے کہ درجنوں گائیوں سے خود کو روندواتے ہیں توان کی تمام منتیں پوری ہوجاتی ہیں۔