آئی سی سی کرکٹ ورلڈ کپ کے 45ویں میچ میں انڈیا نے جیتنے کے لیے نیدرلینڈز کو 411 رنز کا ہدف دے دیا ہے۔اتوار کو بنگلورو میں کھیلے جانے والے میچ میں انڈیا نے ٹاس جیت کر پہلے بیٹںگ کا فیصلہ کیا جس کے بعد انڈین ٹیم نے مقررہ 50 اوورز میں چار وکٹوں کے نقصان پر 410 رنز بنائے۔انڈٰیا کی جانب سے شریاس ایئر نے 128، کے ایل راہُل نے 102 جبکہ کپتان روہت شرما نے 61 رنز سکور کیے۔نیدرلینڈز کی طرف سے بولنگ کرتے ہوئے بس ڈی لیڈے نے دو جبکہ پاؤل وین مِیکیرن اور روئلوف فین ڈر مروا ایک ایک وکٹ حاصل کی۔ورلڈ کپ میں دونوں ٹیمیں آج اپنا آٹھواں میچ کھیل رہی ہیں جبکہ یہ میچ میگا ایونٹ کے گروپ مرحلے کا آخری میچ ہے۔اس سے قبل انڈیا نے میگا ایونٹ میں آٹھ میچ کھیلے ہیں جس میں وہ تمام میچوں میں فتح حاصل کرنے میں کامیاب رہے جبکہ نیدرلینڈز کو آٹھ میچوں میں سے چھ میں شکست اور دو میں جیت حاصل ہوئی۔انڈیا 15 نومبر کو ممبئی کے وانکھیڈے سٹیڈیم میں نیوزی لینڈ کے خلاف سیمی فائنل کھیلے گا۔انڈیا اور نیدرلینڈز اب تک ون ڈے کرکٹ میں دو مرتبہ آمنے سامنے آ چکی ہیں جس میں دونوں مرتبہ فتح انڈیا کو حاصل ہوئی ہے۔انڈیا کی پلیئنگ الیونانڈیا کی ٹیم میں روہت شرما (کپتان)، شبھمن گِل، وراٹ کوہلی، شریاس ایئر، کے ایل راہُل (وکٹ کیپر)، سوریا کمار یادو، رویندرا جڈیجہ، جسپریت بمراہ، محمد شامی، کلدیپ یادو اور محمد سراج شامل ہیں۔نیدرلینڈز کی پلیئنگ الیوننیدرلینڈز کی ٹیم میں ویسلے بریسی، میکس او ڈاؤڈ، کولن ایکرمین، سائی برینڈ اینجل بریکٹ، سکاٹ ایڈورڈز (کپتان، وکٹ کیپر)، بس ڈی لیڈے، تیجا ندا منُورُو، لوگن وین بِیک، روئلوف فین ڈر مروا، اریان دت اور پاؤل وین مِیکیرین شامل ہیں۔