آئی سی سی کرکٹ ورلڈ کپ کے 45ویں میچ میں انڈیا کی ٹاس جیتنے کے بعد نیدرلینڈز کے خلاف بیٹنگ جاری ہے۔اتوار کو بنگلورو میں کھیلے جانے والے میچ میں انڈیا نے اب سے کچھ دیر پہلے تک تین وکٹوں کے نقصان پر 29.3 اوورز میں 206 رنز بنا لیے تھے۔ورلڈ کپ میں دونوں ٹیمیں آج اپنا آٹھواں میچ کھیل رہی ہیں جبکہ یہ میچ میگا ایونٹ کے گروپ مرحلے کا آخری میچ ہے۔اس سے قبل انڈیا نے میگا ایونٹ میں آٹھ میچ کھیلے ہیں جس میں وہ تمام میچوں میں فتح حاصل کرنے میں کامیاب رہے جبکہ نیدرلینڈز کو آٹھ میچوں میں سے چھ میں شکست اور دو میں جیت حاصل ہوئی۔انڈیا 15 نومبر کو ممبئی کے وانکھیڈے سٹیڈیم میں نیوزی لینڈ کے خلاف سیمی فائنل کھیلے گا۔انڈیا اور نیدرلینڈز اب تک ون ڈے کرکٹ میں دو مرتبہ آمنے سامنے آ چکی ہیں جس میں دونوں مرتبہ فتح انڈیا کو حاصل ہوئی ہے۔انڈیا کی پلیئنگ الیونانڈیا کی ٹیم میں روہت شرما (کپتان)، شبھمن گِل، وراٹ کوہلی، شریاس ایئر، کے ایل راہُل (وکٹ کیپر)، سوریا کمار یادو، رویندرا جڈیجہ، جسپریت بمراہ، محمد شامی، کلدیپ یادو اور محمد سراج شامل ہیں۔نیدرلینڈز کی پلیئنگ الیوننیدرلینڈز کی ٹیم میں ویسلے بریسی، میکس او ڈاؤڈ، کولن ایکرمین، سائی برینڈ اینجل بریکٹ، سکاٹ ایڈورڈز (کپتان، وکٹ کیپر)، بس ڈی لیڈے، تیجا ندا منُورُو، لوگن وین بِیک، روئلوف فین ڈر مروا، اریان دت اور پاؤل وین مِیکیرین شامل ہیں۔