آئی سی سی کرکٹ ورلڈ کپ کے 42ویں میچ میں افغانستان کی جانب سے دیے گئے 245 رنز کے جواب میں جنوبی افریقہ کی بیٹنگ جاری ہے۔اب سے کچھ دیر پہلے تک جنوبی افریقہ نے 11 اوورز میں ایک وکٹ کے نقصان کے 64 رنز بنا لیے تھے۔اس سے قبل جمعے کو احمد آباد کے نریندر مودی سٹیڈیم میں کھیلے جانے والے میچ میں افغانستان نے ٹاس جیت کر پہلے بیٹنگ کا فیصلہ کیا جس کے بعد افغان ٹیم نے مقررہ 50 اوورز میں 10 وکٹوں کے نقصان پر 244 رنز بنائے۔افغانستان کی جانب سے عظمت اللہ عمرزئی 97 رنز بنا کر نمایاں رہے جبکہ رحمت شاہ اور نور احمد نے 26،26 رنز سکور کیے۔جنوبی افریقہ کی طرف سے بولنگ کرتے ہوئے جیرالڈ کوئٹزیا نے چار جبکہ لُنگی نگیڑی اور کیشوو مہاراج نے دو دو وکٹیں حاصل کیں۔احمد آباد کے نریندر مودی سٹیڈیم میں دونوں ٹیمیں گروپ مرحلے میں اپنا آخری میچ کھیل رہی ہیں۔دوسری جانب جنوبی افریقہ کی ٹیم پہلے ہی ورلڈ کپ کے سیمی فائنل میں کوالیفائی کر چکی ہے۔دونوں ٹیمیں اب تک ون ڈے فارمیٹ میں صرف ایک مرتبہ آمنے سامنے آئی ہیں جس میں جنوبی افریقہ نے جیت حاصل کی تھی۔جنوبی افریقہ کی پلیئنگ الیونجنوبی افریقہ کی ٹیم میں کوئنٹن ڈی کوک (وکٹ کیپر)، ٹیمبا باوُوما (کپتان)، رَسی فین ڈر ڈسن، ایڈن مارکرم، ہینرک کلاسین، ڈیوڈ مِلر، ایںڈل فلیوک وایو، جیرالڈ کوئٹزیا، کیشوؤ مہاراج، کاگیسو راباڈا اور لُنکی نگیڑی شامل ہیں۔افغانستان کی پلیئنگ الیونافغانستان کی ٹیم میں رحمان اللہ گُرباز، ابراہیم زدران، رحمت شاہ، حمشت اللہ شہیدی (کپتان)، عظمت اللہ عمرزئی، اکرام علی خِیل، محمد نبی، راشد خان، مجیب الرحمان، نور احمد اور نوین الحق شامل ہیں۔