آرٹی فیشل انٹیلی جنس نے ٹیکنالوجی کی دنیا کا نقشہ بدل دیا ہے، گھنٹوں ریسرچ اور محنت کے بعد ہونے والے کام منٹوں میں ممکن ہوچکے ہیں اور چیٹ جی پی ٹی کے جدید چیٹ بوٹ نے زندگی بہت آسان بنادی ہے اور اب اگر آپ بھی چیٹ بوٹ تیار کرنا چاہتے ہیں تو اب ایسا ممکن ہے۔
چیٹ جی پی ٹی بنانے والی کمپنی اوپن اے آئی کے مطابق اس کی جانب سے تمام افراد کو اے آئی ٹیکنالوجی پر مبنی اپنے چیٹ بوٹس تیار کرنے کا موقع فراہم کیا جائے گا۔
چیٹ بوٹ بنانے کے خواہشمند لوگوں کو کمپنی کی جانب سے آسان زبان میں ہدایات فراہم کی جائیں گی اور صارف کو مخصوص تفصیلات پی ڈی ایف، ویڈیوز یا دیگر فائلز کی شکل میں اپ لوڈ کرنا ہوگی اور چیٹ بوٹ کا مقصد واضح کرنا ہوگا، یعنی وہ تصاویر تیار کرے گا یا ویب پر سرچ کرے گا۔
اوپن اے آئی کے چیف ایگزیکٹو سام آلٹمین کا کہنا ہے کہ جی پی ٹیز کسی مخصوص مقصد کے لیے چیٹ جی پی ٹی کے ایڈیٹڈورژن ہوں گے۔
انہوں نے اس ٹیکنالوجی کا مظاہرہ کرتے ہوئے بتایا کہ اس سسٹم کو تیار کرنا بہت آسان ہوگا۔اگر آپ اس بارے میں مزید جاننا چاہتے ہیں تو اوپن اے آئی کی ویب سائٹ پر جان سکتے ہیں۔
آنے والے ہفتوں میں اوپن اے آئی کی جانب سے ان چیٹس بوٹس کو ایک نئے جی پی ٹی اسٹور انٹرفیس پر جاری کیا جائے گا۔کمپنی کی جانب سے اسٹور میں رکھنے جانے والے بوٹس استعمال کرنے کی فیس نہیں بتائی گئی اور یہ واضح کیا کہ انہیں تیار کرنے والوں کے ساتھ آمدنی کو شیئر کیا جائے گا تاہم اگر آپ بھی اس تجربے میں کامیاب ہوجاتے ہیں تو آپ کیلئے ترقی کی راہیں کھل سکتی ہیں۔