فلسطینی مسلمانوں کی مدد کا جذبہ ۔۔ عرفان جونیجو نے مداحوں سے ملکر کتنی بڑی رقم جمع کرلی؟

ہماری ویب  |  Nov 02, 2023

معروف یوٹیوبر عرفان جونیجو نے اسرائیل کے مظالم کا شکار فلسطینی مسلمانوں کیلئے اپنے مداحوں کی مدد سے 5 ملین روپے سے زیادہ اکٹھے کرلئے ہیں۔

معروف یوٹیوبر عرفان جونیجو نے 21 اکتوبر کو فلسطین کے لیے ایک فنڈریزنگ مہم شروع کی۔ انہوں نے بتایا کہ جمع ہونے والے تمام فنڈز فلسطینی عوام کی مدد کے لیے دیئے جائیں گے جنہیں اسرائیل کے ساتھ جاری تنازعات کی وجہ سے مشکلات کا سامنا ہے۔

عرفان جونیجو نے انسٹاگرام پر بتایا کہ فنڈ ریزنگ مہم بند کر دی گئی ہے کیونکہ انہوں نے پانچ ملین سے زیادہ کی رقم کامیابی سے اکٹھی کر لی ہے۔

انہوں نے بینک میں رقوم کی منتقلی کے دوران پیش آنے والی مشکلات کا بھی بتایا، انہوں نے کہا کہ کافی رقم الخدمت فاؤنڈیشن کے حوالے کر دی گئی ہے جو کہ عطیات وصول کرنے کے لیے وقف ایک تسلیم شدہ خیراتی ادارہ ہے۔

دوسری جانب الخدمت فاؤنڈیشن نے اپنے آفیشل انسٹاگرام پلیٹ فارم پر عرفان جونیجوکی کاوش کو سراہا ہے۔

یاد رہے کہ غزہ میں اسرائیل کے حملوں میں 9ہزار کے قریب فلسطینی شہید ہوچکے ہیں جبکہ ہزاروں کی تعداد میں لوگ زخمی ہیں جنہیں فوری طبی امداد کی ضرورت ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More