پاکستان کے معروف عالم دین مولانا طارق جمیل کے بیٹے عاصم جمیل کی نمازِ جنازہ آج تلمبہ میں ادا کی جائے گی، گزشتہ روز گولی لگنے سے انتقال کرنے والے عاصم جمیل کاپوسٹ مارٹم نہ کروانے کی اہم وجہ بھی سامنے آگئی ہے۔
پولیس حکام کا کہنا ہے کہ مولانا طارق جمیل کے بیٹےعاصم جمیل کی اتفاقیہ موت کی رپورٹ درج کرلی گئی ہے جبکہ ورثا کی درخواست پر عاصم جمیل کا پوسٹ مارٹم نہیں کرایا گیا اور لاش قانونی کارروائی کے بعد ورثا کے حوالے کر دی گئی ہے۔
مولانا طارق جمیل کے بیٹے عاصم جمیل ڈپریشن میں مبتلا تھے اور انہوں نے 29 اکتوبر کی شب بندوق سے گولی مار کر خودکشی کرلی تھی۔
مولانا طارق جمیل کا کہنا ہے کہ مرحوم بیٹے کی نماز جنازہ آج بروز پیر 30 اکتوبر، رات ساڑھے 7 بجے ہمارے آبائی گاؤں رئیس آباد، تلمبہ میں ادا کی جائے گی۔
یاد رہے کہ عاصم جمیل کے حوالے سے ابتدائی طور پر مختلف افواہیں زیر گردش تھیں تاہم بعد ازاں عاصم جمیل کے ڈپریشن میں مبتلا ہونے اور خودکشی کرنے کی اطلاعات سامنے آئیں تھیں۔
پولیس حکام کے مطابق عاصم جمیل کے ورثا کی درخواست پر پوسٹ مارٹم نہیں کروایا گیا بلکہ واقعہ کو اتفاقیہ قرار دیا گیا ہے جس کی وجہ سے پوسٹ مارٹم کی ضرورت محسوس نہیں کی گئی۔