امجد صابری کو قتل کروانے والا کہاں سے پکڑا گیا، تعلق کس پارٹی سے ہے؟

ہماری ویب  |  Oct 24, 2023

پاکستان کے مشہور قوال امجد صابری کے قتل کا مرکزی ملزم 7 سال بعد کراچی سے پکڑا گیا، گرفتار دہشت گرد نے 4 رینجرز اہلکاروں کے علاوہ صدر پارکنگ پلازہ کے قریب 2 آرمی اہلکاروں کے قتل کا اعتراف بھی کرلیا۔

کراچی کے علاقے پٹیل پاڑہ سے سی ٹی ڈی نے کالعدم تنظیم کے دہشت گرد قاسم رشید کو خفیہ اطلاع پر گرفتار کیا ، ملزم نے عاصم اور اسحاق نامی لوگوں کے ذریعے مشہور قوال امجد صابری کا قتل کروایا تھا۔

سی ٹی ڈی حکام کے مطابق ملزم نے تفتیش میں مختلف وارداتوں میں ملوث ہونے کے ساتھ ساتھ 4 رینجرز اہلکاروں اور صدر پارکنگ پلازہ کے قریب 2 آرمی اہلکاروں کے قتل کا اعتراف بھی کیا ہے۔

گرفتار دہشت گرد نے جیل سے نیٹ ورک چلانے کا انکشاف کیا ہے، ملزم سے دستی بم، پستول اور بارودی مواد برآمد کیا گیا ہے اور یہ ملزم پہلے بھی گرفتار ہو کر جیل جا چکا ہے۔

یاد رہے کہ 16 رمضان 22 جون 2016 کو تقریباً 4 بجے کے قریب قوال امجد صابری پر نامعلوم افراد نے فائرنگ کی تھی اور سر پر گولیاں لگنے سے ان کی موت واقع ہو گئی تھی۔

امجد صابری کے قتل کو 7 سات برس گزرنے کے بعد سی ٹی ڈی نے واقعہ کے اصل ملزم کا کھوج لگاکر گرفتار کیا ہے، ملزم کا تعلق کالعدم جہادی تنظیم سے بتایا جاتا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More