کیا اُس زمانے میں نوٹ ہوتے تھے اور ۔۔ فرعون کی تصویر والے اس نوٹ کی حقیقت کیا ہے؟

مصر میں فرعون کی تصویر والے ایک نوٹ کی تصویر ان دنوں سوشل میڈیا پر وائرل ہے، اس عجیب نوٹ کے حوالے سے مصری حکومت کا موقف بھی سامنے آگیا ہے۔

فرعون کسی خاص شخص کا نام نہیں ہے بلکہ شاہان مصر کا لقب تھاجس طرح چین کے بادشاہ کو خاقان اور روس کے بادشاہ کو زار اور روم کے بادشاہ کو قیصر اور ایران کے بادشاہ کو کسریٰ کہتے تھے اسی طرح مصر کے بادشاہ کو فرعون کہتے تھے۔

جس فرعون کے زمانے میں حضرت موسیٰ پیدا ہوئے اور جس کے یہاں پرورش پائی وہ رعمسيس ثانی تھا،اس وقت بہت بوڑھا ہو چکا تھا اس نے اپنے بیٹے منفتاح کو شریک حکومت کر لیا تھا اس کی ڈیڑھ سو اولادوں میں سے 13 تیرھویں نمبر پر تھا اور جو عذاب الٰہی میں مبتلا ہوئے وہ منفتاح نامی فرعون تھا فرعون کی فہرست میں کم از کم 14 نام موجود ہیں۔

فرعون کے مظالم کی وجہ سے آج بھی لوگ جہاں ظلم ہو وہاں لوگ فرعون کی مثالیں دیتے ہیں اور فرعون کے نوٹ کی تصویر سامنے آنے پر لوگوں کو شدید حیرت کا جھٹکا لگا ہے۔

سوشل میڈیا پر زیر گردش نوٹ کے حوالے سے کہا جارہا ہے کہ نئی 50 پاؤنڈ کرنسی کی ہے جو جلد ہی متعارف کرائی جائے گی۔نوٹ پر فرعون کے مجسمے کی تصویر بنی ہوئی ہے۔

سوشل میڈیا صارفین کا کہنا ہے کہ یہ نوٹ مصر میں جلد متعارف کرایا جائے گا جبکہ مصر کے سینٹرل بینک کا کہنا ہے کہ ایسا کوئی کاغذی نوٹ جاری نہیں کیا گیا ہے۔