شاہ رخ خان وہ واحد سٹار جو انڈر ورلڈ کے سامنے نہیں جھکے: ہدایتکار سنجے گپتا

اردو نیوز  |  Sep 12, 2023

بالی وُڈ کنگ شاہ رخ خان کی نئی فلم ’جوان‘ انڈیا سمیت پوری دنیا میں بے مثال کامیابیاں حاصل کر رہی ہے۔

شاہ رخ خان کی مقبولیت دنیا بھر میں کسی سے ڈھکی چھپی نہیں ہے۔ اسی سلسلے میں انڈیا کے ہدایتکار سنجے گپتا نے شاہ رخ خان کے بارے میں دلچسپ انکشاف کیا ہے۔

ہندوستان ٹائمز کے مطابق سنجے گپتا نے فلم جوان دیکھنے کے بعد اس بات کا انکشاف کیا کہ کیسے شاہ رخ خان نے 90 کی دہائی میں انڈر ورلڈ کے بدمعاشوں کے سامنے ہار نہیں مانی۔

سنجے گپتا نے سماجی رابطوں کی ویب سائٹ ایکس (ٹوئٹر) پر لکھا کہ ’میں نے جوان دیکھی، مجھے یہ بات بتاتے ہوئے خوشی ہو رہی ہے کہ جب 90 کی دہائی میں انڈر ورلڈ بدمعاش فلمی ستاروں کو تنگ کرتے تھے تو شاہ رخ خان واحد سٹار تھے جو انڈر ورلڈ کے بدمعاشوں کے سامنے نہیں جھکے۔‘ 

I saw JAWAN.I feel compelled to share this.Back in the 90’s when the underworld bullying of the film stars was at its peak @iamsrk was THE ONLY star who never gave in.“Goli marni hai mar do, par tumhaare liye kaam nahin karoonga. Main Pathan hoon.” He said.He’s the same…

— Sanjay Gupta (@_SanjayGupta) September 9, 2023

انہوں نے مزید بتایا کہ شاہ رخ خان نے انڈر ورلڈ کے لوگوں کو کہا کہ ’گولی مارنی ہے تو مار دو پر تمہارے لیے کام نہیں کروں گا۔ میں پٹھان ہوں۔ آج بھی ویسے ہی ہیں۔‘

دوسری جانب شاہ رخ خان کی جوان نے انڈیا بھر سے 202 کروڑ انڈین روپے کما لیے ہیں۔

جوان نے اپنی ریلیز کے پہلے دن ہی ہندی مارکیٹ سے 65 کروڑ انڈین روپے کی ریکارڈ اوپننگ کی جس کے بعد اِس فلم نے رواں برس جنوری میں ریلیز ہونے والی شاہ رخ خان کی فلم ’پٹھان‘ کے بھی ریکارڈ توڑ دیے ہیں۔

اگر جوان کی کہانی کی بات کی جائے تو یہ اچھائی اور برائی کے درمیان کی کہانی ہے۔ اس فلم میں شاہ رخ خان نے کئی روپ دھارے ہوئے ہیں۔

دوسری جانب جوان کی مرکزی کاسٹ میں شاہ رخ خان کے علاوہ نائنتھارا، وجے سیتھوپاتھی، پریا مانی، ثانیہ ملہوترا، سنیل گروور شامل ہیں جبکہ دپیکا پاڈوکون نے جوان میں سپیشل کیمیو کیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More