منگل کو پاکستان کی ایک عدالت نے برطانیہ میں ہلاک ہونے والی 10 سالہ سارہ شریف کے پانچ بہن بھائیوں کو عارضی طور پر حکومت کے زیر انتظام بچوں کی دیکھ بھال کے ادارے میں بھیجنے کا حکم جاری کیا ہے۔
یاد رہے کہ یہ پانچ بچے سارہ کے والد عرفان شریف کے ساتھ برطانیہ سے پاکستان آئے تھے اور پیر کے روز پاکستانی حکام نے انھیں سارہ کے دادا محمد شریف کے گھر سے پولیس نے اپنی تحویل میں لیا تھا۔
10 سالہ سارہ کی لاش 10 اگست کو سرے کے شہر ووکنگ میں ان کے گھر سے ملی تھی۔ پوسٹ مارٹم رپورٹ سے پتا چلا تھا کہ سارہ کے جسم پر ’متعدد شدید چوٹیں‘ تھیں۔
سارہ کی لاش ملنے سے ایک روز قبل سارہ کے والد عرفان شریف اور ان کی سوتیلی والدہ بینش بتول ان پانچ بچوں کے ہمراہ برطانیہ سے فرار ہو گئے تھے، ان بچوں کی عمریں ایک سے 13 سال کے درمیان ہیں۔
عدالتی فیصلے میں یہ نہیں بتایا گیا کہ بچوں کو کب تک سرکار کی حفاظتی تحویل میں رکھا جائے گا اور نہ ہی اس بات کا ذکر ہے کہ ان بچوں کو اس کے بعد کہاں بھیجا جائے گا۔
منگل کی صبح عرفان شریف کے اہلخانہ ان بچوں کو اپنے ساتھ عدالت میں لے کر آئے۔ اس دوران اُنھیں پولیس اہلکاروں اور مقامی میڈیا کے نمائندوں نے گھیرے رکھا اور یہ سلسلہ قریب 40 منٹ تک جاری رہا۔
اس دوران انھیں ایک عدالت سے دوسری عدالت میں منتقل کیا جاتا رہا کیونکہ حکام یہ جاننے کی کوششکر رہے تھے کہ ان بچوں کے ساتھ کیا ہونا چاہیے۔
تاہم صحافیوں کو پہلی سماعت کے دوران عدالت میں جانے کی اجازت نہیں دی گئی، لیکن بی بی سی کو کمرہ عدالت کے اندر موجود کئی افراد نے بتایا کہ اس بارے میں بحث ہوئی کہ آیا اس عدالت کو عارضی حراست کے بارے میں فیصلہ کرنے کا اختیار بھی حاصل ہے کہ نہیں۔
اس کے بعد بچوں کو فوری طور پر پولیسکی ایک گاڑی میں اُس عدالت میں لے جایا گیا جہاں ان سے متعلق یہ فیصلہ سُنایا گیا۔
سارہ کے دادا محمد شریف، جو عرفان شریف کے والد ہیں، نے عدالت سے نکلتے وقتآج کی عدالتی کاروائی پر کوئی تبصرہ نہیں کیا۔
یہ بچے گذشتہ روز سارہ کے دادا کے گھر سے بازیاب ہوئے تھے۔ بچوں کی بازیابی کے بعد سارہ شریف کے دادا محمد شریف کا کہنا تھا کہ آج تک ان سے کسی نے بچوں کے بارے میں نہیں پوچھا، پولیس صرف عرفان، فیصل اور بینش کے بارے میں پوچھتی رہی، اگر بچوں کے متعلق پوچھتے تو میں بتا دیتا کہ وہ میرے پاس محفوظ ہیں۔
سارہ شریف کے دادا محمد شریف نے بی بی سی کو بتایا تھا کہ بچے 10 اگست کو برطانیہ سے پاکستان آنے کے بعد سے جہلم میں ان کے گھر پر ہی مقیم تھے۔
انھوں نے مزید کہنا تھا کہ ’آج تک مجھ سے کسی نے بچوں کے بارے میں نہیں پوچھا۔ وہ (پولیس) مجھ سے عرفان، فیصل اور بینش کے بارے میں پوچھتے رہے، مجھ سے کسی نے بچوں کے بارے میں نہیں پوچھا۔‘
محمد شریف کا مزید کہنا تھا کہ ’اگر کسی نے مجھ سے بچوں کے متعلق پوچھا ہوتا تو میں کہتا کہ وہ میرے پاس محفوظ ہیں۔ یہ میرا حق ہے اور مجھ سے زیادہ ان کا کوئی خیال نہیں رکھ سکتا۔‘
محمد شریف کے پڑوسیوں نے بتایا تھا کہ پیر کو پاکستانی پولیس کے درجنوں اہلکاروں نے سارہ کے دادا کے گھر پر چھاپہ مارا اور بچوں کو اپنی تحویل میں لیا۔
BBC
محمد شریف نے بتایا تھا کہ ان کے بیٹے اور بہو نے انھیں فون نہیں کیا اور شاید اس کی وجہ یہ ہے کہ ’اگر پولیس کو پتا چل جاتا تو وہ مجھ پر سختی کرتے۔‘
اس سے قبل محمد شریف نے اس بات کی تردید کی تھی کہ وہ اپنے بیٹے کے ساتھ رابطے میں ہیں یا انھیں یہ معلوم ہے کہ وہ کہاں ہیں۔
بی بی سی نے عرفان شریف کی بہنوں سے بھی بات کی، جنہھوں نے بتایا کہ بچے دادا کے گھر سے تحویل میں لیے جانے پر بہت پریشان تھے۔ فرزانہ ملک نے کہا کہ ’بچے رو رہے تھے، پولیس انھیں گھسیٹ کر لے جا رہی تھی۔ وہ بہت رو رہے تھے اور کہہ رہے تھے ’ہم نہیں جانا چاہتے، ہم نہیں جانا چاہتے۔‘
تاہم پولیس کا دعویٰ ہے کہ بچوں نے وہاں سے جانے میں کوئی مزاحمت نہیں کی۔
سرے پولیس نے ایک بیان میں کہا ہے کہ ’واضح طور پر یہ اہم پیشرفت ہے، اور ہم اگلے اقدامات کا تعین کرنے کے لیے سرے کاؤنٹی کونسل اور اپنے بین الاقوامی شراکت داروں، بشمول انٹرپول، فارن، کامن ویلتھ اینڈ ڈویلپمنٹ آفس اور نیشنل کرائم ایجنسی سے رابطے میں ہیں۔‘
سرے پولیس کا مزید کہنا ہے کہ ’پانچوں بچوں کی فلاح و بہبود ہماری اولین ترجیح ہے۔‘
گذشتہ جمعہ کے روز محمد شریف نے بی بی سی کو بتایا تھا کہ انھوں نے اپنے بیٹے (عرفان شریف) کو ایک پیغام بھیجا ہے جس میں انھیں خود کو پولیس کے حوالے کرنے کا کہا گیا۔
محمد شریف اور ان کے اہلخانہ نے پولیس پر انھیں ہراساں کرنے، خاندان کے کچھ افراد کو غیر قانونی طور پر حراست میں لینے اور ان کے گھروں پر چھاپے مارنے کا الزام لگایا ہے۔ انھوں نے پولیس پر ان کے خلاف فرضی مقدمات بنانے کا الزام بھی لگایا ہے تاہم پولیس نے اس کی تردید کی ہے۔
پولیس نے تصدیق کی ہے کہ بچے دادا کے پاس ہیں لیکن سارہ کے والد عرفان شریف، سوتیلی والدہ بینش بتول اور چچا فیصل ملک بچوں کے ساتھ نہیں تھے۔
’ہمیں ڈر ہے کہ پاکستانی پولیس تشدد کر کے ہمیں مار ڈالے گی‘
اس سے قبل پانچ ستمبر کو سارہ شریف کے والد اور ان کی سوتیلی والدہ نے اپنے ایک ویڈیو بیان میں کہا تھا کہ وہبرطانیہ میں حکام کے ساتھتحقیقات میں تعاون کرنے کے لیے تیار ہیں۔
سارہ شریف کی موت کے بعد ان کی سوتیلی والدہ بینش اور ان کے والد عرفان کا یہ پہلا عوامی رابطہ تھا۔
اس فوٹیج میں سارہ کے والد عرفان خاموش دکھائی دے رہے تھے جبکہ ان کی سوتیلی والدہ بینش بتول کو ایک نوٹ بُک سے پڑھ کر بیان دیتے دیکھا جا سکتا تھا۔
سرے پولیس قتل کی تفتیش کے سلسلے میں سارہ کے والد عرفان شریف، ان کی اہلیہ بینش بتول اور بھائی فیصل ملک سے بات کرنا چاہتی ہے۔
پولیس کا کہنا ہے کہ یہ تینوں افراد 9 اگست کو برطانیہ سے واپس پاکستان گئے تھے اور پولیس انھیں تلاش کرنے میں تاحال ناکام رہی ہے۔
سارہ کی سوتیلی والدہ نے اپنے اس ویڈیو پیغام میں سارہ کی موت کو ایک حادثہ قرار دیا اور اس حوالے سے دو جملوں میں انتہائی مختصر بات کی تھی۔
سارہ کی سوتیلی والدہ نے دو منٹ 36 سیکنڈ کی اس ویڈیو میں پاکستانی پولیس پر ہراساں کرنے کے الزامات عائد کیے اور کہا کہ پولیس ان کے خاندان کے دیگر افراد کو خوفزدہ کر رہی ہے اور انھیں غیر قانونی طور پر حراست میں لے رہی ہے جبکہ ان کے گھروں پر چھاپے مارے جا رہے ہیں۔
بینش بتول نے اپنے پیغام میں کہا تھا کہ ’ہمارے روپوش ہونے کی وجہ یہ ہے کہ ہمیں ڈر ہے کہ پاکستانی پولیس تشدد کر کے ہمیں مار ڈالے گی۔‘
دوسری جانب جہلم پولیس کے سربراہ محمود باجوہ نے بی بی سی سے بات چیت میں ان الزامات کی تردید کرتے ہوئے کہا تھا کہ خاندان کے افراد کو ہراساں کرنے اور تشدد کرنے کے تمامالزامات غلط ہیں۔
پولیس سربراہ کے مطابق اگر اہلِ خانہ کو پولیس سے کوئی خوف ہے تو وہ تحفظ حاصل کرنے کے لیے عدالت جا سکتے ہیں۔
بینش بتول نے ویڈیو کے اختتام پر کہا تھا کہ وہ برطانیہ کے حکام کے ساتھ تحقیقات میں تعاون کرنے کو تیار ہیں۔
بی بی سی کو سارہ کے والدین کی ویڈیو بھیجی گئی تھی تاہمبی بی سی اس اکاؤنٹ کی تصدیق کرنے سے قاصررہا ہے اور نہ ہی یہ تصدیق ہو سکی کہ یہ ویڈیو کس مقام پر فلمائی گئی تھی۔
واضح رہے کہ اب تک کی تفتیش کے مطابق سارہ کی موت کی حتمی وجوہات تاحال سامنے نہیں آ سکیں تاہم امکانظاہر کیا جا رہا ہے کہ سارہ کی موت غیر فطری انداز میں ہوئی۔
’سارہ اتنی بُری طرح زخمی تھی کہ اسے پہچان نہیں پائی‘
رواں ماہ سارہ کی حقیقی والدہ اولگا شریف نے پولینڈ کے ٹیلی ویژن کو بتایا کہ وہ سارہ کو ان زخموں کی وجہ سے مردہ خانے میں انتہائی مشکل سے پہچان سکی تھیں۔
سارہ شریف کی والدہ اور نانی کا کہنا تھا کہ انھوں نے اپنی بیٹی کی میت کو مردہ خانے میں بمشکل پہچانا کیونکہ اس کا چہرہ بُری طرح زخمی تھا۔
سارہ کی والدہ اولگا شریف کا کہنا تھا کہ سارہ کے ایک گال پر سوجن تھی اور دوسری جانب چوٹیں تھیں۔
’آج بھی جب میں اپنی آنکھیں بند کرتی ہوں، تو میں دیکھ سکتی ہوں کہ میرا بچی کیسی لگ رہی تھی۔‘
پولش ٹیلی ویژن پروگرام میں گفتگو کرتے ہوئے اولگا شریف کا کہنا تھا کہ وہ 2015 میں عرفان شریف سے علیحدہ ہو گئی تھیں۔ سارہ اور ان کے ایک بھائی ابتدا میں والدہ کے ساتھ رہتے تھے مگر بعدازاں عدالت نے بچوں کی کسٹڈی والد کے حوالے کر دی تھی۔
اولگا شریف بنیادی طور پر پولینڈ سے تعلق رکھتی ہیں اور برطانیہ میں رہتی ہیں۔ انھوں نے کہا کہ پہلے تو وہ اپنے دو بچوں کو باقاعدگی سےملتی تھیں لیکن پھر حالات مشکل ہو گئے۔ انھوں نے ٹی وی چینل کو بتایا کہ ’ان کی سوتیلی والدہ نے مجھے کہا کہ میں مزید نہ آؤں، کیونکہ بچے مجھے دیکھنا نہیں چاہتے تھے۔‘
’یہ معمول کی بات نہیں ہے کہ ایک مرتبہ بچے خوش ہوتے ہیں، اور اس بات پر بحث کرتے ہیں کہ پہلے ماں سے کون بات کرے گا، اور پھر بچے مجھ سے فون پر بھی بات نہیں کرنا چاہتے اور مجھے بدترین ناموں سے پکارتے ہیں۔‘
سارہ کی نانی سلویا کرز کا کہنا تھا کہ ان کی بیٹی چاہتی ہیں کہ عرفان شریف کی کسٹڈی میں موجودہ سارہ کے بھائی کو واپس کر دیا جائے۔
’اولگا اسے اپنے ساتھ رکھنا چاہتی ہے۔ وہ اپنے بیٹے کو واپس لانا چاہتی ہیں۔‘
’میرا نواسا 13 سال کا ہے، اس لیے اسے معلوم ہو گا کہ سارہ کے ساتھ کیا ہوا۔‘
اولگا کا کہنا تھا کہ جب ان کی شادی عرفان شریف سے ہوئی تھی تو انھوں نے ان کے ساتھ بدسلوکی کی تھی۔ بی بی سی ان کے دعووں کا جواب دینے کے لیے عرفان شریف سے رابطہ کرنے میں ناکام رہا ہے۔
’پوتی کے مرنے کا گہرا صدمہ ہے، میرے بیٹے نے بتایا یہ حادثہ تھا‘BBCسارہ کے دادا اپنی پوتی کے بارے میں بات کرتے ہوئے بظاہر پریشان بھی دکھائی دے رہے تھے
10 سالہ سارہ شریف کے دادا محمد شریف کا کہنا ہے کہ سارہ کے والد کے مطابق ان کی ’بیٹی کی موت محض ایک حادثہ تھی۔‘
عرفان شریف کے والد محمد شریف نے بی بی سی کے ساتھ ایک انٹرویو میں کہا تھا کہ انھوں نے اپنے بیٹے کو پاکستان آنے کے بعد دیکھا تھا۔
سارہ کے دادا کے مطابق ’یہ ایک حادثہ تھا تاہم میرے بیٹے نے یہ نہیں بتایا کہ یہ حادثہ کیسے ہوا۔ اس کے بعد عرفان نے خوفزدہ ہو کر برطانیہ چھوڑ دیا تھا۔‘
سارہ کے دادا نے تصدیق کی تھی کہ انھوں نے اپنے بیٹےعرفان کو پاکستان میں اس وقت دیکھا جب وہ جہلم آئے تھے جہاں نہ صرف ان کا بچپن گزرا تھا بلکہ وہاں اب بھی ان کے خاندان کے دیگر افراد رہائش پذیر ہیں۔
جب ان سے پوچھا گیا کہ اگر سارہ کی موت ایک حادثہ تھی تو عرفانپاکستان کیوں چلے آئے تو محمد شریف نے جواب دیا کہ ’ڈر کی وجہ سے۔‘
’اس کی بیٹی مر گئی تھی اور ظاہر ہے جب آپ اتنے بڑے صدمے کا سامنا کرتے ہیں تو آپ ٹھیک طرح سے سوچ بھی نہیں سکتے۔‘
اس سوال کے جواب میں کہ وہ اپنے بیٹے کے پاکستان آنے کے فیصلے کو کس طرح دیکھتے ہیں تو محمد شریف نے کہا تھا کہ ’میں صرف اتنا کہہ سکتا ہوں کہ انھیں کیس کا سامنا کرنا چاہیے تھا اور پاکستان آنے کی بجائے وہیں رکنا چاہیے تھا۔‘
عرفان کے والد نے دعویٰ کیا تھا کہ ’میرا بیٹا بالآخر برطانیہ واپس جائے گا اور اپنے کیس کا سامنا کرے گا۔‘
’سارہ میری بہت پیاری پوتی تھی‘
سارہ کے دادا نے اپنی پوتی کے بارے میں بات کرتے ہوئے بظاہر پریشان بھی دکھائی دے رہے تھے۔ ’مجھے اپنی پوتی کے مرنے کا گہرا صدمہ ہے اور اس کے جانے کا غم اب زندگی بھر میرے ساتھ رہے گا۔‘
انھوں نے کہا تھا کہ ’سارہدو مرتبہ پاکستان آئی تھیں۔ اس کی ہر بات بہت پیاری تھی۔ وہ میری بہت پیاری پوتی تھی۔‘
اس وقت انھوں نے اپنے بیٹے عرفان شریف کے لیے براہ راست پیغامبھی دیا تھا کہ ’وہ جہاں بھی ہوں گے، وہ یہ بات سن سکیں گے۔ میں کہتا ہوں کہ انھیں سامنے آ کر اپنے کیس کا دفاع کرنا چاہیے، چاہے کچھ بھی ہو۔ انھیں پولیس کی تفتیش میں پوچھے گئے سوالوں کے جواب دینے چاہیے۔ میں یہ نہیں کہتا کہ انھیں چھپ کر رہنا چاہیے۔‘