پی ڈی ایم حکومت کے 16 ماہ میں ملک میں معاشی بحران کی وجہ سے انڈسٹریز کا بھی برا حال ہوگیا، 16 ماہ میں 1600 سے زائد ٹیکسٹائل فیکٹریاں بند ہوگئیں۔
ذرائع کا کہنا ہے کہ گزشتہ سولہ ماہ کے دوران پاکستان میں 1600 سے زائد ٹیکسٹائل فیکٹریاں بند ہو نے کی وجہ اس سے جننگ، ویونگ، اسپننگ، پروسیسنگ اور کپڑے بنانے سمیت ٹیکسٹائل کی پوری صنعت متاثر ہو رہی ہے۔
بہت سی موجودہ فیکٹریاں پوری صلاحیت سے کام نہیں کررہی ہیں۔ اس دوران ٹیکسٹائل اور کپڑے کے شعبے کی کل صلاحیت کا تقریباً 20 فیصد متاثر ہوا ہے۔ اس مسئلے سے نمٹنے کے لیے حکومت ایک منصوبے پر کام کر رہی ہے۔
پلان کا مقصد توانائی کی بہتر قیمتیں دے کر آپریشنز کے لیے رقم کی مدد، ریفنڈز کو تیز کرنا، منڈیوں تک رسائی بڑھانا اور مختلف مصنوعات بنانے کی حوصلہ افزائی کرنا ہے۔ ان تبدیلیوں سے پاکستان کی فیکٹریوں کو بہتر کام کرنے میں مدد سکتی ہے۔
اگست 2023 میں پاکستان کی برآمدات 2.36 بلین ڈالر تھیں۔ یہ اگست 2022 کے مقابلے میں 4.8 فیصد کم ہے لیکن پچھلے مہینے کے مقابلے میں 14.3 فیصد زیادہ ہے جب برآمدات 2.07 بلین ڈالر تھیں۔