ایمرجنگ ایشیا کپ کے فائنل میں پاکستان نے انڈیا کو 128 رنز سے شکست دے دی ہے۔اتوار کو کولمبو میں ہونے والے میچ میں انڈین ٹیم 353 رنز کے تعاقب میں 40 ویں اوور میں 224 رنز بنا کر آؤٹ ہو گئی۔ ابھشیک شرما 61 اور یش ڈھل 39 رنز بنا کر نمایاں رہے۔پاکستان کی جانب سے سفیان مقیم نے تین جبکہ محمد وسیم، مہران ممتاز اور ارشد اقبال نے دو دو وکٹیں حاصل کیں۔انڈیا نے ٹاس جیت کر پہلے بولنگ کا فیصلہ کیا تھا جس کے بعد پاکستان نے مقررہ 50 اوورز میں 8 وکٹوں کے نقصان پر 352 رنز بنائے۔پاکستان کی جانب سے طیب طاہر نے 71 گیندوں پر 12 چوکوں اور چار چھکوں پر 108 رنز بنائے۔طیب طاہر کے علاوہ صاحب زادہ فرحان نے 65 جبکہ صائم ایوب نے 59 رنز سکور کیے۔Enjoy the Tayyab Tahir blitz at Premadasa. pic.twitter.com/3zfUjc4ptk
— Shafqat Shabbir (@Chefkat23) July 23, 2023
انڈیا کی طرف سے بولنگ کرتے ہوئے راج وردھن ہنگرگیکر اور ریان پراگ نے دو دو وکٹیں حاصل کیں جبکہ ہرشت رانا، مانوؤ سُوتھر اور نشانت سندُھو نے ایک ایک وکٹ حاصل کی۔خیال رہے ایمرجنگ ایشیا کپ میں شامل ٹیمیں ’اے ٹیم‘ کی حیثیت سے کھیل رہی ہیں۔