انڈیا کی نیشنل ڈیزاسٹر رسپارنس فورس (این ڈی آر ایف) نے ریاست اترپردیش کے شہر نوئیڈا کے سیلاب سے متاثرہ علاقوں سے تین مویشیوں کو بچا لیا ہے۔انڈیا ٹوڈے کے مطابق سنیچر کو نوئیڈا میں بچائے گئے ان مویشیوں میں مشہور ’پریتم‘ نسل کا ایک بیل بھی شامل تھا جس کی مالیت ایک کروڑ انڈین روپے ہے۔این ڈی آر ایف کی آٹھویں بٹالین نے ایک ٹویٹ میں ریسکیو آپریشن کی تصاویر اور ویڈیوز شیئر کیں۔انہوں نے کہا کہ ’این ڈی آر ایف کی آٹھویں بٹالین نے نوئیڈا میں تین مویشیوں کو بچایا ہے۔ ان میں انڈیا کا نمبر 1 بیل ’پریتم‘ بھی شامل ہے جس کی مالیت ایک کروڑ انڈین روپے ہے۔ این ڈی آر ایف کی ٹیمیں سیلاب سے متاثرہ علاقوں میں (لوگوں کی) جانیں بچانے کے لیے سخت محنت کر رہی ہیں۔‘#आपदासेवासदैवसर्वत्रTeam @8NdrfGhaziabad has rescued 3 cattles including India's No.1 Bull "PRITAM" costing 1 Cr. from Noida. NDRF teams are working hard to save lives in flood affected areas.#animalrescue @ndmaindia @NDRFHQ @noida_authority @HMOIndia @PIBHomeAffairs pic.twitter.com/MdMRikYFVz
— 8th BN NDRF (@8NdrfGhaziabad) July 15, 2023
انتظامیہ اور پولیس کے سینیئر حکام نے جمعرات کو نوئیڈا اور گریٹر نوئیڈا میں دریائے یمنا کے کنارے نشیبی علاقوں کا معائنہ کیا اور پھنسے ہوئے جانوروں کو بچانے کے لیے ریسکیو آپریشنز کیے۔انڈین نیوز ایجنسی پریس ٹرسٹ آف انڈیا کی رپورٹ میں کہا گیا ہے کہ سرکاری اعدادوشمار کے مطابق جمعرات سے اب تک پانچ ہزار 974 جانوروں جن میں مویشی، کتے، خرگوش، بطخ، مرغ وغیرہ کو نشیبی علاقوں سے محفوظ مقام پر منتقل کر دیا گیا ہے۔