پنجاب بورڈز کمیٹی آف چیئرپرسنز (پی بی سی سی) نے میٹرک کے سالانہ امتحانات کے نتائج کے اعلان کی تاریخوں کو حتمی شکل دے دی ہے۔
تفصیلات کے مطابق دسویں جماعت کے نتائج کا اعلان 31 جولائی کو کیا جائے گا۔
یہاں یہ امر قابل ذکر ہے کہ پنجاب بھر میں دسویں جماعت کے امتحانات یکم اپریل سے شروع ہوئے اور 17 اپریل کو ختم ہوئے۔
دوسری جانب نویں جماعت کے نتائج کا اعلان 22 اگست کو کیا جائے گا۔ یاد رہے کہ صوبے بھر میں نویں جماعت کے امتحانات 18 اپریل کو شروع ہوئے اور 19 مئی کو ختم ہوئے۔