برطانیہ میں نشے میں مدہوش خاتون کا ریپ کرنے والا انڈین طالب علم گرفتار

برطانیہ میں نشے میں نیم بے ہوش خاتون کے ساتھ جنسی زیادتی کرنے پر انڈین طالب علم کو گرفتار کیا گیا ہے جسے وہ گذشتہ برس ایک کلب میں ملا تھا۔

انڈین نیوز چینل این ڈی ٹی وی کے مطابق اس لڑکے کا نام پریت وکال ہے جو گذشتہ برس جون میں اس خاتون کو کارڈیف میں اپنے فلیٹ پر لے کر گیا اور پھر اس کے ساتھ جنسی زیادتی کی۔

پریت وکال اور یہ خاتون اپنے اپنے دوستوں کے ساتھ کارڈیف کے ایک کلب گئے تھے جہاں ان کی آپس میں ملاقات ہوئی۔

حکام کا کہنا ہے کہ ’یہ خاتون بہت زیادہ نشے میں تھی اور رات کے آخری پہر اس کو بالکل ہوش نہیں تھا۔ وہ کلب سے باہر گئی پریت وکال سے ملی، دونوں کے درمیان گفتگو ہوئی اور پھر وہ اپنے دوستوں سے علیحدہ ہو کر چلے گئے۔‘

ایک ویڈیو میں اس لڑکے کو خاتون کو پہلے بازوؤں اور پھر کندھوں پر اٹھا کر جاتے دیکھا جا سکتا ہے، اور پھر وہ خاتون کو اپنے فلیٹ پر لے جاتا ہے۔ جب وہ ایک پب کے سامنے سے گزرتے ہیں تو خاتون کو لڑکے کا سہارا لے کر چلتے دیکھا جا سکتا ہے۔

ساؤتھ ویلز پولیس نے ایک ٹویٹ میں کہا کہ ’کارڈیف میں ایک شخص کو خاتون کا ریپ کرنے پر جیل بھیجا گیا ہے۔ کارڈیف میں اجنبیوں کے اس طرح کے حملے بہت کم سامنے آتے ہیں، لیکن پریت وکال ایک خطرناک شخص ہے۔ اس نے نشے میں مدہوش خاتون کا فائدہ اٹھایا۔‘

#INCOURT l A man has been jailed for raping at a woman at a halls of residence in #Cardiff.

CCTV showed Preet Vikal carrying the victim in his arms and later across his shoulders out of the city centre.

1/2 pic.twitter.com/wfYrIggd7o

— South Wales Police Cardiff (@SWPCardiff) June 16, 2023

رپورٹس کے مطابق خاتون کو گھر لے جانے کے بعد اس نے لڑکی کی تصویر لی اور فخریہ انداز میں اسے اپنے دوستوں کے ساتھ شیئر کیا۔

خاتون نے بہادری کے ساتھ اس واقعے کے بارے میں پولیس کو بتایا۔ پولیس نے سکیورٹی کیمروں اور خاتون کو انسٹاگرام پر بھیجے گئے پیغام سے لڑکے کی شناخت کی۔