یوریشیا کار اور بائیک ریلی پیر کو 10 ممالک سے گزرتے ہوئے پاکستان پہنچ گئی ہے۔ریلی کے شرکاء پاکستان کے شمالی علاقہ جات کی سیر کرنے کے بعد انڈیا روانہ ہوں گے۔10 گاڑیوں اور سات ہیوی بائیکس پر سفر کرنے والے 35 سیاح اس ریلی کا حصہ ہیں جنہوں نے یکم مئی کو فرانس کے دار الحکومت پیرس اپنے سفر کا آغاز کیا تھا۔10 گاڑیوں اور سات ہیوی بائیکس پر سفر کرنے والے 35 سیاح اس ریلی کا حصہ ہیںفرانس، اٹلی، کروشیا، بوسنیا، مونٹی نیگرو، البانیہ ، مقدونیہ، بلغاریہ، ترکی اور ایران گزرتے ہوئے پیر کو ریلی کے شرکا بلوچستان کے علاقے تفتان سرحد سے پاکستان میں داخل ہوئے۔ریلی کے شرکا کا پاکستانی شہریوں نے استقبال کیا اور امید ظاہر کی کہ ریلی کا بقیہ سفر خوشگوار اور مہم جوئی سے بھر پور ہوگا۔ریلی کے شرکا چاغی اور نوشکی کے صحرائی اور پہاڑی علاقوں سے گزرتے ہوئے رات گئے وادی کوئٹہ پہنچ گئے۔ریلی کے شرکا چاغی اور نوشکی کے صحرائی اور پہاڑی علاقوں سے گزرتے ہوئے رات گئے وادی کوئٹہ پہنچ گئے۔غیر ملکی سیاح دس روز پاکستان میں گزاریں گے یہاں وہ برف پوش پہاڑوں اور سرسبز و شاداب وادیوں سمیت پاکستان کے دلکش مناظر اور متنوع ثقافتوں کو دیکھنے کے لیے شمالی علاقہ جات کا سفر بھی کریں گے۔اگلے مرحلے میں ریلی واہگہ کے راستے انڈیا میں داخل ہوگی اس کے بعد میانماراور تھائی لینڈ پہنچے گی۔ مجموعی طور پر 16 ممالک کا سفر کرتے ہوئے ریلی چار جولائی کو ملائیشیا کے شہر کوالامپور پہنچ کر اپنے سفر کا اختتام کرے گی۔