تیز بارش اور ژالہ باری بھی ہوگی۔۔ کراچی میں بارش کب ہوگی؟ محکمہ موسمیات نے شہریوں کو خوشخبری سنا دی

شدید گرمی سے بے حال کراچی کے شہریوں کے لئے خوشخبری۔ محکمہ موسمیات نے کراچی شہر میں بسنے والوں کو اگلے ہفتے بارش کی نوید سنا دی۔

محکمہ موسمیات نے اگلے ہفتے میں ملک کے مختلف شہروں میں بارش کی پیشن گوئی کی ہے۔ محکمہ موسمیات کے مطابق سکھر، دادو، کراچی، حیدرآباد میں اگلے ہفتے بارش کا امکان ہے۔ جبکہ جیکب آباد، لاڑکانہ، میرپورخاص، خیرپور، لیہ، بھکر، ڈی جی خان، راجن پور، رحیم یار خان، بہاولنگر، ساہیوال اور خانیوال میں بھی اگلے ہفتے 28 مئی سے بارشیں ہو سکتی ہیں۔

ملک کے دیگر شہروں آزاد کشمیر، گلگت بلتستان، خیبرپختونخوا،اسلام آباد، مری، گلیات، راولپنڈی، اٹک، جہلم، چکوال، گوجرانولہ، سرگودھا، خوشاب، میانوالی، نارووال، قصور، جہلم، فیصل آباد، ٹوبہ ٹیک سنگھ اور لاہور میں 28 تا 31 مئی بارشوں کا امکان ہے جبکہ کچھ مقامات پر ژالہ باری اور تیز بارشیں ہوسکتی ہیں۔